Оперативный штабтыҥ јууны ӧтти

27.05.2021

Алтай Республиканыҥ башчызы Олег Хорохордин коронавирустыҥ југуш оорузын таркатпазыла тартыжар оперативный штабтыҥ јуунын ӧткӱрген.

Тергеениҥ јааныныҥ темдектегениле, ӧткӧн неделеде Алтай Республикада коронавирусла оорыгандардыҥ тоозы, оноҥ озо ӧткӧн неделеге кӧрӧ, 53% кӧптӧгӧн.

«Неделениҥ турултазыла, кӱӱк айдыҥ 17-23 кӱндеринде бисте коронавирусла оорыыры кӧптӧгӧн. Текши тооло 78 кижи оорыган, ӧткӧн неделеде 51 кижи болгон. Эҥ кӧп оорыгандар Майма аймакта – 32 кижи, экинчи јерде — Кош-Агаш аймак – 20 кижи. 11 кижи Чамал аймакта оорыган, онызы Чамалда улус оорыыры кӧптӧгӧнин керелейт. Горно-Алтайскта оору астаганы темдектелген. Ӧткӧн неделеде 19 кижи оорыган болзо, бу неделеде 10 кижи» — деп, башчы айткан.

Роспотребшиҥжӱниҥ јетирӱзиле, пандемияныҥ ӧйинде јербойында текши тооло 16973 кижи оорыган, 16 590 кижи јазылган.

Олег Хорохординниҥ темдектегениле, республикага коронавирустаҥ 30084 доза вакцина келген – 26034 доза «Спутник V» (Гам-КОВИД-Вак) ла 4050 доза «ЭпиВакКорона». Тергееде текши тооло 25394 кижи вакцина алган.

АР-дыҥ башкарузыныҥ председателиниҥ ордынчызыныҥ молјуларын бӱдӱреечи Динара Култуеваныҥ јетиргениле, Минпромсадула јӧптӧжӱле Росрезервтеҥ антисептиктер ле маскалар келер. Кичӱ изӱ айдыҥ бажында тергеебиске 7,2 млн маска, 45 муҥ литр антисептик келер учурлу. Олор јонјӱрӱмдик учурлу керектер ӧткӱрерине тузаланарга ла коомой јадынду улуска берилер.

Вице-премьер онойдо ок эҥ озо вакцинация керектӱ улуска прививка эдери јаан учурлу сурак болуп артат деген. Прививка алган 60 јашты ашкан улустыҥ тоозы 42,3%.

Динара Култуеваныҥ темдектегениле, јуук ӧйдӧ тергееге «Спутник V» вакцинаныҥ 5200 дозазы, «КовиВак» вакцинаныҥ 780 дозазы келер, олор мынаҥ ары муниципалитеттерге аткарылар.

АР-дыҥ су-кадыкты корыыры аайынча министриниҥ молјуларын удурумга бӱдӱреечи Людмила Григоричеваныҥ айтканыла, коронавирусту улуска эки моногоспиталь иштейт, олордо 100 орын: 70 орын Майма аймактыҥ эмчилигинде ле 30 – СПИД-ле тартыжарыныҥ ла профилактиказыныҥ тӧс јеринде. Текши тооло 58 орында оору улус јадып эмденет, орындардыҥ 42% резервте.

Алтай Республикада вакцинацияныҥ 48 пункты, онойдо ок мобильный 30 бригада иштеп јат.

Алтай Республиканыҥ ӱредӱлик ле билим аайынча министри Ольга Саврасованыҥ јетирӱзиле, кӱӱк айдыҥ 31-чи кӱнинеҥ ала Бирлик государственный ченелтелер (ЕГЭ) башталып јат. Муниципал тӧзӧлмӧлӧрдиҥ јаандарына ченелтелер ӧдӱп турган пункттарда санитарно-противоэпидемический ээжилерди бӱдӱрерин шиҥжӱде тудары, дезинфекция, термометрия ӧткӱрери тӧзӧлгӧнин, социальной дистанция тударын, таҥынаҥ коруланар эп-аргаларла јеткилделгенин кӧрӧри јанынаҥ шӱӱлтелер эдилген.

Тергеениҥ баш санитарный врачы Леонид Щучинов противоэпидемический ээжилерди бӱдӱрерин шиҥжӱлеер рейдтер ӧткӱрилип турганын куучындаган. Роспотребшиҥжӱниҥ ишчилери кажы ла кӱн тергеениҥ организацияларында ла предприятиелеринде коронавирустыҥ профилактиказы јанынаҥ ээжи-керектердиҥ бӱдӱп турганын шиҥжӱде тудат. Јыл башталганынаҥ бери 2457 объектте противоэпидемический ээжилердиҥ некелтелерин бӱдӱрип турганы шиҥделген, олордо јарталган бузуштар учун 915 протокол тургузылган. Леонид Щучинов онойдо ок салјаныҥ југуш ооруларыныҥ профилактиказы аайынча иштерге ајару эткен.

Тергеениҥ башкарузыныҥ председателиниҥ ордынчызы, АР-дыҥ башчызыныҥ ла АР-дыҥ башкарузыныҥ Бирлик аппарадыныҥ башкараачызы Михаил Маргачёвтыҥ јетирӱзиле, муниципал тӧзӧлмӧлӧрдиҥ администрациялары противоэпидемический ээжилерди бӱдӱрери јанынаҥ 452 рейд ӧткӱрген, олордо илелелген бузуштар аайынча 86 протокол тургузылган.

Јуунда база бир сурак алтай калыктыҥ тергеелер ортодо байрамы, Эл Ойынды, ӧткӱрери керегинде болды. Байрамды ӧткӱрер тушта чокум ла кыйалтазы јоктоҥ бӱдӱретен санитарно-противоэпидемический керектердиҥ тооломын тургузарын Олег Хорохордин некеди. Ол онойдо ок муниципал тӧзӧлмӧлӧрдиҥ јаандарын, Алтай Республиканыҥ государственный јаҥыныҥ бӱдӱреечи органдарыныҥ башкараачыларын санитарно-противоэпидемический иштерди бӱдӱрерин шиҥжӱде тударын тыҥытсын деп баштанган.

АР-дыҥ башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина