Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Јолдордо јеткер болдыртпазы шӱӱжилген

31.05.2021

Алтай Республиканыҥ башчызы Олег Хорохордин јолдордо јеткер болдыртпазын јеткилдеери аайынча башкаруныҥ камызыныҥ јуунын ӧткӱрген.

Тергеениҥ башкараачызы јолдордо јеткер болбозы аайынча темдектелген кӧргӱзӱлерге једери керектӱ болгонына ла айалганы оҥдолторго эдетен керектерге ајару эткен.

«Јай башталганыла балдар кӧп ӧйди тышкары ӧткӱрер, кӧбизи амыралтаныҥ јерлерине барар. Биске јолдордо балдар јеткерлӱ керектерге кирбезин болдыртпас иштерди тӧзӧӧр, балдарды амыраар јерлерге ле ӧскӧ дӧ керектерге тартып апарары эптӱ ле јеткер јок болорын јеткилдеер керек» – деп, Олег Хорохордин темдектеген.

Ичбойындагы керектердиҥ Алтай Республика аайынча министерствозында ГИБДД-ныҥ башкартузыныҥ јааныныҥ ордынчызы Дмитрий Кузнецов 2020 јылда тергеениҥ јолдорында болгон јеткерлӱ керектер ле јолдордо јеткер болдыртпазын јеткилдеер иште тӧс једикпестер керегинде јетирӱ эткен.

Оныҥ айтканыла, ӧткӧн јылда Алтай Республикада јолдордо болгон јеткерлер ле ондо шыркалаткан ла корогон улустыҥ тоозы астаган. 317 ДТП-лар темдектелген, олордо тӧрт кижи божогон.

2021 јылдыҥ тӧрт айына јолдордо јеткерлӱ керектер кӧптӧгӧн. Онойдо, 66 ДТП болгон, олордо ӱч кижи корогон. Јолдордо јеткерлердиҥ эҥ таркаган шылтагы – кӧлӱкчилер јолдордо јӱрериниҥ ээжилерин керектебей, бузуп турганы деп, ол айткан.

ГИБДД-ныҥ бӧлӱктери кӧп ишчилери турушкан аҥылу профилактикалык керектер, јартамал-профилактикалык иштер ӧткӱрет.

АР-дыҥ ӱредӱлик ле билим аайынча министри Ольга Саврасова ӱредӱлик учреждениелерде балдардыҥ јол-јорыктары јеткер јок болорын јеткилдеер иштер канайда тӧзӧлгӧни, анайда ок балдарды јайгыда амыраар јерлерге тӧзӧмӧлдӱ јетирерине школдор белен болгоны керегинде айткан.

2021 јылдыҥ чаган айыныҥ 1-кы кӱнинеҥ ала балдарды калада, каланыҥ јуугындагы јерлерде ле калалар ортодогы јол-јорыктарда автобусла тартарында јаҥы ээжилер тургузылганын ол јартаган. Тӧс некелтелердиҥ бирӱзи – балдар тарткан транспорт јеткердеҥ корыыр кайыш јепселдерле јеткилделер учурлу.

Тургуза ӧйдӧ республиканыҥ ӱредӱлик организацияларында школдордыҥ 185  автобустары бар, олор некелтелерге келиштире јепселген. Амыралтаныҥ јерлерине эки муҥнаҥ ажыра кижини јетирери пландалат.

Министр анайда ок јай ӧйинде јолдордо јеткерлӱ керектерди болдыртпас профилактикалык иштер керегинде куучындаган. Онойдо, балдар тӱште јӱрер лагерьлерлӱ бастыра ӱредӱлик заведениелерде јолдордо јӱрериниҥ ээжилерин ӱренер профильный сменалар ӧдӧр. Бого ӱзеери, Балдарды корыырыныҥ кӱнине учурлалып, «Јаш тужыныҥ Јалакай Јолы», «Јашӧскӱрим ГИБДД-ла кожо – јолдордо јӱрериниҥ ээжилерин бӱдӱрери учун», «Јеткер јок јай», «Светофордыҥ кӱни», «Балдар школго барып јат» деген профилактикалык керек-јарактар ӧдӧр.

АР-дыҥ талалык ӧзӱм аайынча министри Константин Зорий јолдордо јӱрериниҥ ээжилери бузулганын фото ло видеого автомат кеминде сокконыныҥ тузазы ла бу иштиҥ оноҥ арыгы ӧзӱми керегинде куучындаган. Оныҥ јетиргениле, быјылгы јылдыҥ тӧрт айына стационар комплекстердиҥ шылтузында јолдордо јӱрериниҥ ээжилерин бускан 14 907 учурал, јорыктап иштеген комплекстер – 33 280 учуралды илезине чыгарган. 2021 јылда Горно-Алтайскта ла Маймада эки стационар комплексти тургузары темдектелет.

Министр анайда ок «Јеткер јок чыҥдый јолдор» деген эл ӱлекерге кирген «Тергеелик ле јербойыныҥ јолдоры», «Јол ээлемин ӧскӱрер текши керектер», «Јолдордо јеткер болдыртпазы» деген тергеелик эл ӱлекерлер аайынча 2020 јылда ӧткӱрген иштердиҥ турулталары ла 2021 јылга темдектелген керектер керегинде куучындаган.

2020 јылда 39 объекттерде, ол тоодо Горно-Алтайский агломерацияныҥ јербойында учурлу 16 объекттеринде ле тергеелик учурлу 23 объекттерде ремонт иштер ӧткӧнин Константин Зорий айткан. Ӧткӧн јылда текши узуны 120 км јолдор јазалган, быјылгы јылга кӧчкӧн 60 км јолдордо иштер башталып калган.

2021 јылда «Тергеелик ле јербойыныҥ јолдоры» деген тергеелик ӱлекер аайынча тергеелик ле јербойыныҥ автојолдорын некелтелерге келиштире јазаар иштер улалып јат. Анайда ок светофорлу јолдорды, јолдордыҥ јанында чедендерди, јолдордогы темдектерди јазаары ла јаҥыртары темдектелет.

АР-дыҥ башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина