ЕГЭ-ниҥ тӧс бӧлӱги — Алтай Республикада

03.06.2021

Алтай Республикада ЕГЭ-ниҥ тӧс бӧлӱги јаан јолына чыкты. Понедельникте, кӱӱк айдыҥ 31-чи кӱнинде, экзамендер географияла, литературала, химияла ӧтти. Бу ӱч предметле экзаменди ӱредӱзин божодып јаткан 404 бала табыштырды. Экзамендерди табыштырарга 12 экзаменационный пункт иштеген.

Географияла экзаменди 71 бала табыштырган. Экзаменационный иш 27 јакылтадаҥ турган, оны бӱдӱрерине ӱч саат берилген. Литературала бирлик госэкзаменди он биринчи класстыҥ 63 ӱренчиги табыштырган. Мындагы иш 17 јакылтадаҥ турган, бӱдӱретен ӧйи — 3 саат 55 минут. Химияла ченелтеге 35 јакылта кирген, бӱдӱрерге 3 саат 30 минут берилген.

Экзамендердиҥ турулталары кичӱ изӱ айдыҥ 17-чи кӱнине јетпей јарталар.

Тергееде эки кӱнниҥ туркунына, кӱӱк айдыҥ 27-28 кӱндеринде, 9-чы классты божодып јаткандар кыйалтазы јок эки предметтиҥ бирӱзи математикала экзамендер табыштырган. Оны табыштырарга тергееде кӱӱк айдыҥ 27-чи кӱнинде 22 пункт иштеген, 28-чи кӱнинде — 18 пункт. Экзаменде 2961 бала турушкан. Экзамен јербойыныҥ ӧйиле 10 саатта башталган, ол 3 саат 55 минуттыҥ туркунына ӧткӧн. Ол эки бӧлӱктеҥ турган ла бого 25 иш кирген. Баштапкы бӧлӱгине кыска карууларлу 19 јакылта, экинчизинде 6 јакылта болды. Математикала экзаменди табыштыратан резервный кӱндер кичӱ изӱ айдыҥ 16-чы ла јаан изӱ айдыҥ 2-чи кӱни болор.

2021 јылда тогузынчы класстар экзамендерди кыйалтазы јогынаҥ ӱренер эки предметле — орус тилле, математикала табыштырып јат. Кӱӱк айдыҥ 24-25 кӱндеринде олор экзаменди орус тилле табыштырган.

Экзаменниҥ иштери тергеениҥ јетирӱлерди кӧрӧр тӧс јеринде баалалат.

Тергееде орус тилле государственный выпускной экзамендер ӧдӧт.

Кӱӱк айдыҥ 25-чи кӱнинде 11-чи классты божодып јаткандарга государственный аттестацияныҥ тӧс бӧлӱги башталды. Олор бийик ӱредӱлӱ заведениелерге кирерин темдектебеген ле онойдо ок су-кадыгыныҥ аргалары кирелӱ балдарга ӧткӱрилет.

Бирлик госэкзамендерди табыштырып турган ончо пункттарда Роспотребшиҥжӱниҥ јакылтазыла антиковидный эп-аргаларды, ээжилерди кыйалтазы јогынаҥ бӱдӱрет. Бого ӱзеери экзамендер ӧдӱп турган пункттарда терроризмге удура тартыжарыныҥ эп-аргалары тыҥыдылган.

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым