Кой кайчылаарында эҥ капшуундары

08.06.2021

Кичӱ изӱ айдыҥ 2-чи кӱнинде Оҥдой аймакта «Эҥ артык кой кайчылаачы» деп конкурс ӧтти.

Конкурсты «Малдыҥ угын јарандырары аайынча Горно-Алтайсктагы тӧс јер» тергеениҥ јурт ээлем аайынча министерствозыныҥ ла иш, јонјӱрӱмдик ӧзӱм ле эл-јонды ишле јеткилдеери аайынча министерствозыныҥ јӧмӧгӧниле ӧткӱрген.

Эҥ артык кой кайчылаачы деп ат ададары учун Оҥдой аймактыҥ 17 кижизи маргышты. Ол тоодо 10 кижи — колло кайчылаарында, 7 кижи — машинкала кайчылаарында. Эксперттердиҥ камызы туружаачылардыҥ капшуунын, кайчылаган тӱктиҥ чыҥдыйын, койдыҥ терезин кеспегенин баалап кӧргӧн.

Маргыжуныҥ турулталарыла јерлер мынайып ӱлештирилген.

Машинкала кайчылаарында:

1-кы јер — Чейнеш Черпановна Яльчина (Кеҥиниҥ јурт јеезези)

2-чи јер — Юрий Николаевич Тайтаков (Јолоныҥ јурт јеезези)

3-чи јер — Георгий Александрович Чапаров (Кеҥиниҥ јурт јеезези).

Колло кайчылаарында:

1-кы јер — Аруна Владимировна Ороева (Куладыныҥ јурт јеезези)

2-чи јер — Лизавета Владимировна Шипулина (Караколдыҥ јурт јеезези)

3-чи јер — Рита Викторовна Ачимова (Кӱпчегенниҥ јурт јеезези).

Јеҥӱчилдердеҥ кӧргӱзӱлериле артып калган да болзо, је койды сӱреен јакшы ла эптӱ кайчылаганы учун кӧрӧӧчилердиҥ сыйын Борис Андреевич Едешев (Хабаровканыҥ јурт јеезези) алды.

Кой кайчылаары јанынаҥ мындый маргыжу јербойында улалып барып јатканы јакшы јаҥжыгу болуп јат.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина