Улу ӱлгерлер угулган кӱн

08.06.2021

М. В. Чевалковтыҥ адыла адалган эл библиотекада кичӱ изӱ айдыҥ 4-чи кӱнинде Пушкинниҥ кӱни ле Орус тилдиҥ кӱни деп бастырароссиялык байрам ӧтти. Ого учурлай библиотеканыҥ ишчилери јӱзӱн-башка соот площадкалар, поэттиҥ сӱӱген ӱлгерлерин кычырар ачык микрофон, билгирлер бийиктедер викториналар ла сананып ойноор ойындар белетеп, кычыраачыларын уткуган.

Скрипканыҥ ӧткӱн ӱни керек-јаракты кӧдӱриҥилӱ ачкан кийнинде јети площадка ижин баштады. Библиотеканыҥ тап-эриктик јетирӱлер эдер тӧс јери белетеген площадка (С. С. Сулова, Е. П. Куликова) эки бӧлӱктеҥ турган. Бирӱзинде балдар Александр Сергеевич Пушкинниҥ чӧрчӧктӧри аайынча јуруктар јураган, экинчизинде дезе бичиичиниҥ јайаандыгы аайынча кроссвордтор табып, билгирлерин ченеген. Бу площадканыҥ ижинде волонтер болуп турушкан Лидия Андреевна Белеекованыҥ айтканыла, балдардыҥ билгирлери јакшы, анчада ла педагогикалык колледжтиҥ ӱренеечилери кӧпти билериле сӱӱндирди.

Гуманитар залдыҥ площадказы школдыҥ ӱренчиктерине белетелген. Анда балдар солун тапкыштар, кроссвордтор, чӧрчӧктӧрдиҥ геройлорын табып, јастыралар тӱзедип ойногон. Бу площадкага јӱс кире бала келип јӱрген.

Јаш ӱйе улу поэттиҥ ӱлгерлерин эске кычырып, ончо солун ойын-керектерде турушканы учун тату сыйлар алып, јакшынак кӱӱн-тапту таркаган. Культура ишчилерге, јаан јаштуларга культуралык керек-јаракта балдардыҥ эрчимдӱ турушканын, ойногонын кӧрӧргӧ оморкодулу ла макалу болды.

Ачык микрофондо Пушкинниҥ алтай тилге кӧчӱрилген ӱлгерлери база солун ла кӧдӱриҥилу угулып турды.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина