2021 јылдыҥ куран айында јуртээлем микротооалыш ӧдӧр

22.06.2021

Алтай крайда ла Алтай Республикада баштапкы јуртээлем микротооалышка (мынаҥ ары СХМП-2021) белетенери ӧдӧт. Тооалыш Россия Федерацияныҥ ончо тергеелеринде Россия Федерациязыныҥ башкарузыныҥ 2020 јылдыҥ куран айыныҥ 29-чы кӱниндеги 1315 номерлӱ «2021 јылда јуртээлем микротооалышты тӧзӧӧри керегинде» деп јӧби аайынча 2021 јылдыҥ куран айыныҥ 1-кы кӱнинеҥ ала 30-чы кӱнине јетире ӧдӧр.

Јасак аайынча микротооалыштар ээчий Бастырароссиялык јуртээлем тооалыш ӧткӧн кийнинде, кажы ла беш јылдыҥ бажында, улайын ӧткӱрилет (алдындагы јуртээлем микротооалыш 2016 јылда болгон).

СХМП-2021 тушта кандый культура канча кемдӱ јерлерде, алама-грушалу агаштар канча кемдӱ јерлерде, мал-аш канча болгоны ајаруга алынат.

СХМП-2021 тооалыштыҥ тӧс амадузы – јурт ээлемдерде болгон кубулталар керегинде окылу статјетирӱлер алары, јуртээлем производительдердиҥ категория-лары керегинде јетирӱлерди чокымдаары, јуртээлем производствоныҥ турултазын бийиктедер амадула экономикалык иштер тӧзӧӧри.

Шиҥжӱге јуртээлем организациялар, крестьян (фермер) ээлемдер ле таҥынаҥ аргачылар, таҥынаҥ болушту ээлемдер ле эл-јонныҥ ӧскӧ дӧ (садоводтордыҥ, маала ажын иштеечилердиҥ, дачниктердиҥ) коммерческий эмес организациялары кирер.

Алтайкрайстат тооалыш ӧткӱрер персонал – јалаҥдарда иштеер инструктор-лор ло тооалаачылар – талдайт. Олор Алтай крайдыҥ ла Алтай Республиканыҥ јурт јерлеринде СХМП-2021 ӧткӱрер учурлу.

Јалаҥдарда иштейтен инструкторлордыҥ иштеер ӧйи – 57 кӱн (22.07.2021 – 16.09.2021), тооалаачылардыҥ – 33 кӱн (29.07.2021 – 30.08.2021).

Тооалаачы персоналла эдетен иш-терге государственный контракттар тургузылар. Контрактла јалаҥда иштеер инструкторлордыҥ айында ишјалы – 18500 салковой, тооалаачылардыҥ – 18000 салковой (калан тӧлӧмирлерле јаба).

Тооалаачылар ла инструкторлор таҥынаҥ коруланар эп-аргаларла јеткилделер (салфеткалар, маскалар ла меелейлер).

СХМП-2021 јаҥы технологический кеминде ӧткӱрилер, онызы јетирӱниҥ чыҥдыйын бийиктедер ле јетирӱлер јуурын ла олорло иштеерин тӱргендедер. Тооалаачылар планшетный компьютерлӱ болор. Јуртээлем ишчилер тооалыштыҥ чаазынында сурактарга карууларды Росстаттыҥ окылу сайтыныҥ ажыра берер аргалу.

Микротооалыштыҥ озолодо турулталары јылдыҥ учында јарталар, эҥ уч-турулталары 2022 јылдыҥ IV кварталында јарлалар.

СХМП-2021 ӧткӱрери јанынаҥ ӱзеери јетирӱлерди мындый телефондорло угугар: Алтай край 8(3852)200-569, Алтай Республика 8(38822)2-45-58.

Алтайкрайстат

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым