Јайгы лагерьлерде ПДД ӱренет

22.06.2021

Ӱредӱлӱ учреждениелердеги јайгы лагерьлерде балдардыҥ каникулдарын јеткери јок ӧткӱрерине ајару эдилет.

Тӱште јӱрӱп амыраар лагерьлердиҥ балдары Балдардыҥ јайаандыгыныҥ Горно-Алтайсктагы тӧс јеринде ӱредӱ ӧткӧн. Оныҥ кычырузы «Јолдордо ээжилерди кажы ла кижи билер учурлу!» ла ол «Ајарыгар – балдар!» деп профилактикалык керекке учурлалган. Бу иштиҥ амадузы – јолдордо јӱрериниҥ ээжилерине ле јолдордо јеткерге кирбезине ӱредери; јолдордо ајарыҥкай ла шыраҥкайланып јӱрерине темиктирери, таскадары. Балдарла тематикалык куучындар ӧткӱрилип, јолдордыҥ темдектерин оҥдоорына ӱредӱ ӧткӧн. Балдар инспекторлорло кожо јолдордо јӱрериниҥ ээжилериниҥ телекейине јорыктаган. Балдарга ПДД-ны билерине ууламјылу јилбилӱ ойындар белетелген. Балдар сӱӱнчилӱ айалгада кӧпти билип алган. Ӱредӱ ончо балдарга туружаачыныҥ сертификадын ла јаркынды кайра јандыраачы элементтер сыйлаганыла тӱгенген.

Мындый ок керек Майма јурттыҥ 2-чи таҥмалу баштамы школындагы јайгы лагерьде ӧткӧн.

Госавтоинспекцияныҥ ишчилери јолдордо јӱрериниҥ ээжилерине ӱредерин ле эске алындырарын јилбилӱ ӧткӱрген. Майманыҥ јаш болчомдоры јолды канайда кечерин, велосипедтӱ јӱрерин, айылыныҥ јанында ойноп јӱреле, јеткерге кирбеске канай тудунарын билерин јакшы кӧргӱскендер. Ӱредӱ-ойынныҥ кийнинде ватманда алаканныҥ болужыла мааны јурагандар.

Госавтоинспекцияныҥ ишчилери Чамал јурттыҥ школдордо тӱште јӱрер јайгы лагерьлеринде «Јеткери јок јай!» деп профилактикалу керектер ӧткӱрген. Оны ӧткӱреечилер балдарга ӱредӱни ойын кептӱ ӧткӱрип, регулировщиктиҥ кӧргӱскениниҥ учурын јартагандар. Јаш граждандарга Госавтоинспекцияныҥ ижи керегинде куучындап, ДПС-тыҥ кӧлӱгин кӧргӱскен, ого кажы ла бала отурып, фотојурукка соктырган.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина