Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

МВД-ныҥ јуунты командазы јеҥӱчил

22.06.2021

Горно-Алтайсктыҥ «Динамо» стадионында мини-футболло јаҥжыккан турнир ӧтти. Ол Росгвардияныҥ Алтай Республика аайынча башкартузыныҥ СОБР-ыныҥ аҥылу отрядыныҥ ишчилери лейтенант Василий Тыдыковтыҥ ла старший сержант Андрей Шапранныҥ  эземине учурлай ӧткӱрилген. СОБР-дыҥ ишчилери Тӱндӱк-Кавказтыҥ тергеезинде 2002 јылдыҥ кичӱ изӱ айыныҥ 4-чи кӱнинде службадагы молјузын бӱдӱрип божогондор.

Турнирде 50-неҥ кӧп спортчы турушкан. Бойыныҥ командаларын Росгвардияныҥ бӧлӱктери (СОБР, ОМОН, онойдо ок вневедомственный каруул) тургускан. Тӧртинчи команда АР-дыҥ МВД-зыныҥ командазы болгон.

Бастыра туружаачылар јаркынду ойынын ла јеҥӱге јӱткӱмелин, божогон нӧкӧрлӧри керегинде эземди ундыбагандарын база катап кӧргӱскен.

Ойындардыҥ турулталарыла турнирдиҥ кӧчӱп јӱрер кубогы, былтыргы чылап, АР-дыҥ МВД-зына келишкен. Экинчи јерде Росгвардияныҥ башкартузыныҥ ОМОН-ыныҥ командазы. Турнирдиҥ туружаачылары кереес сыйларла, быйанду самараларла кайралдаткан.

 

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина