Кереес тургузалы

02.07.2021

«Јаан сӧстӧ јажыт јок, улу сӧстӧ уйат јок» деп, мен бӱгӱн «Алтайдыҥ Чолмоны» газет ажыра слерле, кӱндӱлӱ јерлештер, санаа-шӱӱлтемле ӱлежип ийейин. Јарадып уксаар – бир, јӧмӧшсӧӧр – оноҥ артык.

«Мениҥ јерим анда… Мениҥ сӧзим ле сӧӧгимди салатан јерим јаҥыс ла анда. Меге артык не де керек јок. Тӧрӧл тууларымныҥ бажына чыксам, оноҥ телекейдиҥ ӱстин кӧрӧрим. Туулардыҥ салкынын тыҥдазам, бастыра кижиликтиҥ ӱнин угарым…» деп, Лазарь Кокышев «Јӱс письмо» деп бичигиндеги 98-чи самаразында бичиген.

Эйе, мен катап ла поэттиҥ кереези керегинде бичиирге турбай. Шабалин аймактыҥ Камлак јуртынаҥ ыраак јокто «Айас» деп турбаза (ээзи Айас Попошев) бар. Оноҥ чыгып ла келзеер, кӧзӧӧрдиҥ алдында кайыҥдарлу болчок турар. Оныҥ јаказыла поэттиҥ тӧрӧл Кумжулу јурты јаар кара јол чӧйилип барган. Ол јолло Лазарь јойу, ӱзеери ӧдӱк јок канча катап баспады эмеш!

Шак ол кайыҥдарлу болчокко поэттиҥ кереезин тургузар керек. Эмезе кереес таш та болзо, јурукчы болгон болзом, оны јурап кӧргӱзер эдим. Болчокты ӧрӧ тепкиштер эделе, чике бажына кереести тургузып, баштап тарый айландыра отургыштар да эдип салза, кандый јакшы болбос. Кийнинде тепкишти јакалай бичиичиниҥ геройлорыныҥ сӱрлерин эделе, тургузып саларга јараар. Баштап ла алза, иш сала ла бербей. Чындап, ол јер де јанынаҥ сурак тура берер. Ол болчок Чуйдыҥ јолынаҥ ыраак јок, бир 500 метр тууразында. Ӱзеери турбазага келгендерге амырагадый јер болор. Ого бичиичилерис те јазымы јоктоҥ барар болбой?

Бу ла санаа-шӱӱлтемди айдарга санангам. Эл-јоныс јӧмӧбӧгӧн иш бар беди? Сӱӱген поэдистиҥ јакылтазын бӱдӱрип салар керек.

З. Майманова, журналист

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым