Ӱчјандай камыстыҥ јууны

06.07.2021

Алтай Республиканыҥ башкарузыныҥ председателиниҥ ордынчызыныҥ молјуларын удурумга бӱдӱрип турган Динара Култуева тергеениҥ башкарузында јонјӱрӱмдик ле иштеги сурактар аайынча иштеп турган ӱчјандай камыстыҥ јуунын ӧткӱрди.

Тергеениҥ јеринде улусты ишле јеткилдеериле колбулу сурактарды легализовать эдери јанынаҥ Алтай Республиканыҥ башкарузы кандый иштер ӧткӱрип турганы керегинде иш, јонјӱрӱмдик ӧзӱм ле улусты ишле јеткилдеери аайынча министрдиҥ молјуларын удурумга бӱдӱрип турган Алексей Санаров куучындаган. Ол улусты ишле јеткилдеери јанынаҥ окылу эмес керек-јарактар анчада ла садуныҥ, транспортло јеткилдештиҥ, жилищно-коммунальный ээлемниҥ, строительствоныҥ ла общественный ашканалардыҥ бӧлӱктеринде учурап јат деп темдектеген. Бу јанынаҥ кандый иштер ӧткӱрилип јат? Јасактарга келишпес неформальный дейтен бузуштарла тартыжар амадула муниципал тӧзӧлмӧлӧрдӧ элдеҥ ле озо ишмекчи группалар тӧзӧлгӧн, јетирӱлер јуур амадула дезе «кызу колбуныҥ» телефоны иштеп јат. «Кызу колбу» эл-јонго анайда ок иштеги јасактар ла иш јанынаҥ сурактар аайынча элбек јартамалдар берет.

Министрдиҥ ордынчызыныҥ айтканыла, бӱгӱнги кӱнде улусты ишке тап-эрикти бузуп алып турган учуралдар 500 кижиге астадылган. Ол бу ууламјыда Горно-Алтайсктыҥ, Майма, Чой, Турачак, Шабалин ле Кӧксуу-Оозы аймактардыҥ администрациялары јакшы иштеп јат деп темдектеген. Алексей Санаров анайда ок иштеги колбуларды легализовать эдерге јонјӱрӱмдик контракт-јӧптӧжӱлердиҥ аргалары јаан болгоны керегинде айткан.

Јуунныҥ туружаачылары ол кӱн агаш ээлемниҥ бӧлӱгинде тургузатан јӧптӧжӱлерле колбулу сурактарды база шӱӱшкен. Ар-бӱткенниҥ байлыктары, экология ла туризм аайынча министерствого Алтай Республиканыҥ профсоюзтарыныҥ бириктирилген организациязыла кожо агаш ээлемниҥ ишчилери ортодо контракт-јӧптӧжӱ тургузарыныҥ аргаларын јартаары јанынаҥ иштер ӧткӱрзин деген јакылта берилген.

Јуунда јонјӱрӱмдик учурлу иштерде ӧмӧ-јӧмӧ иштеериниҥ ууламјылары керегинде муниципал тӧзӧлмӧлӧрдиҥ чыгартулу улузы куучындаган. Кӧксуу-Оозы аймактыҥ администрациязыныҥ јааныныҥ ордынчызы Тамара Шадрина олордыҥ аймагында ӱредӱниҥ, су-кадыктыҥ, жилищно-коммунальный ээлемниҥ бӧлӱктеринде проф-союзтардыҥ баштамы организациялары тӧзӧлгӧн деп айткан. Бу аймакта тургуза ӧйдӧ ӧскӧ организацияларда иштеп турган профсоюзтарды тыҥыдары аайынча иштер база ӧдӱп јат.

Бӱгӱнги кӱнде бу муниципал тӧзӧлмӧдӧ улуска ишјал тӧлӧӧрин бойыныҥ ајарузында тудуп турган камыстыҥ байа социальный партнерство деген эп-сӱме аайынча ӧмӧ-јӧмӧ иштейтен чыҥдыйын јарандырар иштер ӧдӧт. Аймакта иш-тошто учурап турган сурактардыҥ аайына чыгарга шиҥжӱлер ӧткӱрилет. Бу иште јурт јеезелер эрчимдӱ туружат.

Кан-Оозы аймактыҥ јааныныҥ ордынчызы Артур Сабинниҥ јуунда айтканыла, олордыҥ муниципал тӧзӧлмӧзи профсоюзтардыҥ соведиле, ишбереечилердиҥ биригӱзиле јуук колбулар тургузып, олорло ӧмӧ-јӧмӧ иштеериниҥ јӧптӧжӱзин тургускан. Кан-Оозы аймакта бӱгӱнги кӱнде профсоюзтардыҥ 22 организациязы једимдӱ иштеп јат. Аймактыҥ администрациязыныҥ јааныныҥ ордын-чызы олор бӱгӱнги кӱнде ӧмӧ-јӧмӧ иштеериниҥ јетен тӧрт јӧптӧжӱзин тургусканы керегинде айткан, аймакта анайда ок иштеги некелтелерди бузуп турган аргачылардыҥ аайына чыгарга ӱзӱги јогынаҥ мониторинг ӧткӱрилип јат, учреждениелердиҥ башкараачылары, таҥынаҥ аргачылар ортодо ишле колбулу јасактарды бусканы учун јамылу улус кандый каруузына турары јанынаҥ јартамалду иштер ӧткӱрилип јат.

Јонјӱрӱмдик ле иштеги сурактар аайынча иштеп турган ӱчјандай камыс јербойындагы органдарга улусты ишке аларын толо легализовать эдерин јеткилдеерине, профсоюзтардыҥ организацияларын тӧзӧӧрине ле олорло отраслевой јӧптӧжӱлер тургузарына ајаруны тыҥытсын деген јакылта берген.

Алтай Республиканыҥ башкарузыныҥ пресс-службазы

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым