Биле – ороонныҥ эҥ учурлу байлыгы

12.07.2021

Алтай Республиканыҥ башкарузыныҥ председателиниҥ ордынчызыныҥ ижин бӱдӱреечи Динара Култуева «Јылдыҥ билези» деп конкурстыҥ республикан бӧлӱгинде баштапкы јерлер алган билелерге јеҥӱчилдердиҥ дипломдорын табыштырган. Бу кӧдӱриҥи Билениҥ, сӱӱштиҥ ле чындыктыҥ кӱнине учурлалып ӧткӱрилген.

Вице-премьер јуулган улусты Алтай Республиканыҥ башчызы Олег Хорохординниҥ адынаҥ уткуп, олорго бек су-кадык, ырыс, эҥке-тоҥко ло айылында амыр-энчӱ кӱӱнзеген. Динара Култуеваныҥ темдектегениле, конкурста сегис муниципал тӧзӧлмӧдӧҥ 27 эжер турушкан. Конкурстыҥ турулталарыла тӧрт номинацияда јеҥӱчилдердиҥ аттары адалган.

Горно-Алтайсктаҥ Анатолий ле Валентина Тюрункиндер «Биле – јаҥжыгулардыҥ коручылы» деп номинацияда јеҥӱ алган. Улаган аймактаҥ Андрей ле Татьяна Кеденовтор «Јиит биле» деп номинацияда эҥ артыктар болгон. Кан-Оозы аймактаҥ Аркадий ле Светлана Мадык «Јурт биле» номинацияда јеҥӱчилдер болгон. Горно-Алтайсктаҥ Алексей ле Екатерина Потаповтор «Кӧп балдарлу биле» деп номинацияда јеҥген.

«Слерге ченемелле, једимдерле ӱлежер, билелер керегинде куучындаар деген јӧбигер учун быйан айдадым. Бойоордыҥ тем-јогозорло слер эҥ учурлу байлыктарды – бек биле ле ырысту бала туш деген оҥдомолды – јӧмӧйдигер» – деп, вице-премьер айткан.

Конкурстыҥ туружаачыларын АР-дыҥ иш, јонјӱрӱмдик ӧзӱм ле эл-јонды ишле јеткилдеери аайынча министри Адар Сумин база уткуган. Ол билениҥ бӱгӱнги телекейдеги аҥылу учурын темдектеген. «Биле – ол ӱйелер колбузы, јаҥжыгуларды, культураны, чӱм-јаҥдарды јаандарынаҥ оогош ӱйелерге улалтары. Онызы бистиҥ келер ӱйелер бойыныҥ тазылдарын, тӱӱкизин ундыбас ла олорды баалап кичеер деген бӱдӱмји берет» – деп, министр айткан.

Потаповтордыҥ кожо јуртаганы 15 јыл. Олор билезинде беш бала чыдадат, јондык јӱрӱмде эрчимдӱ туружат, «Јеҥӱни ундыбай, Россияны орныктырадыс», «Бессмертный полк», «Кулактарлу најыҥа болуш» деген республикан акцияларда эрчимдӱ турушкандары учун Быйанду самараларла кайралдаткан, бастырароссиялык «Россияныҥ доброволеци-2017» конкурстыҥ јеҥӱчили.

Кеденовтор сегис јыл јуртайт, эки кызычак чыдадат. Олор биледе ададаҥ уулына, энедеҥ кызына энчилелген јаҥжыгуларды кичееп апарат. Мадыктар 13 јыл јуртайт, кызычак ла уулчак азырайт. Олор су-кадык јӱрӱм јӱрет, кичӱ тӧрӧлиниҥ јараш ла байлык јерлериле јорыктаарын сӱӱйт. Тюрункиндер 41 јыл јуртайдылар, эки кыс азырап чыдаткандар. Биледе сӱӱш, чындык, тоомјы ла ишти баалаган айалгада јаҥжыгуларды кичеейдилер. 2020 јылда эш-нӧкӧрлӧргӧ «Сӱӱш ле чындык учун» деген медаль табыштырылган.

Фотојурукта: Тюрункиндердиҥ билезиле

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина