Башчы текшироссиялык јуунда турушкан

20.07.2021

Алтай Республиканыҥ башчызы Олег Хорохордин бу јуукта Россия Федерацияныҥ транспорт аайынча министерствозыныҥ ведомственный каруул аайынча башкартузыныҥ текшироссиялык јуунында турушкан.

Башкартуныҥ јербойында бӧлӱктериниҥ 2021 јылдыҥ баштапкы јарымјылдыгында ижиниҥ уч-турулталары аайынча суракка учурлай филиалдардыҥ директорылорыла јуун Алтай Республиканыҥ јеринде баштапкы катап ӧткӧн. Оны Россияныҥ Минтрансыныҥ ведомственный каруулыныҥ генеральный директоры Алексей Ковыршин башкарып ӧткӱрген.

Јуун ӧйинде Россияныҥ транспорт аайынча объекттерин јасакка келишпес керектердеҥ ле тууразынаҥ кирижеринеҥ корулаарын шиҥжӱде тудары ла јеткилдеери јанынаҥ сурактар шӱӱжилип кӧрӱлген. Объекттерди јасакка келишпес керектердеҥ ле тууразынаҥ кирижеринеҥ корулаарын шиҥжӱде тударын ла јеткилдеерин Россияныҥ Минтрансыныҥ Сибирьдеги филиалы бӱдӱрет. Филиалдыҥ каруулына ла корулажына «Горно-Алтайск» аэропорт, аэронавигацияныҥ объекттери, анайда ок Инегенниҥ суу киргениниҥ јанында Кадын кечире кӱр кирет.

«Бис автомобильный ла авиационный колбуларды тӱрген тебӱле ӧскӱрип турус, кӱрлер тудадыс, аэропортто экинчи терминалды тӧзӧӧрин пландайдыс. Ӧмӧ-јӧмӧ иштиҥ шылтузында бис Алтай Республиканыҥ јеринде транспортло јеткер-неме болбозын тыҥыдарыс деп быжу бӱдедим» — деп, Олег Хорохордин јуунныҥ туружаачыларына уткуулду сӧзинде айткан.

Алексей Ковыршинниҥ темдектегениле, Россияныҥ Минтрансыныҥ ведомственный каруулы мындый ок муҥдар тоолу транспортный объекттерди, ол тоодо талайдыҥ ла суулардыҥ портторын, аэропортторды ла јол ээлемниҥ объекттерин 18 јылдаҥ кӧп ӧйдиҥ туркунына корулап ла каруулдап келген. Ого ӱзеери транспортный инфраструктураныҥ объекттеринде јеткер-неме болбозын бӱткӱл ороон кеминде јеткилдейт.

Ол ӧмӧ-јӧмӧ иш учун тергеениҥ башчызына быйан айдып, Россияныҥ Минтрансыныҥ ведомственный каруулыныҥ Быйанду самаразын табыштырган.

АР-дыҥ башкарузыныҥ пресс-службазы

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым