Госслужащийлер вакцина тургустырат

20.07.2021

АР-дыҥ башчызыныҥ ла башкарузыныҥ Аппарадыныҥ ишчилери јаан изӱ айдыҥ 16-чы кӱнинде коронавирус југуш оорудаҥ вакцина тургустырган.

Прививкадаҥ озо олор анкетаны толтырган, медиктердиҥ хронический оорулар ла ӧскӧ дӧ кӧргӱзӱлер јанынаҥ берген сурактарына каруулар јандырган. Медиктер ишчилердиҥ эди-каныныҥ изӱзиниҥ ле каныныҥ тебӱзиниҥ кемин кемјип кӧргӧн.

Аппараттыҥ ишчилериниҥ медотводту ла коронавирустаҥ јазылганынаҥ ала алты ай кире ӧй ӧтпӧгӧн ишчилеринеҥ ӧскӧлӧри прививканы тургустырган. Вакцинацияда анайда ок АР-дыҥ акча-манат, экономикалык ӧзӱм аайынча министерстволорыныҥ ла АР-дыҥ башкарузыныҥ керектериниҥ башкартузыныҥ ишчилери турушкан.

«Мен бойым да коронавирусла бу јылдыҥ бажында оорыгам ла прививканы тургустырар деген шӱӱлтеге келгем. Не дезе, такып оорыырга кӱӱнзебейдим ле, кажы ла госслужащий чилеп, вакцинаны тургустыратаны бойымныҥ молјум деп сананадым. Кажы ла кӱн бис кӧп тоолу улусла јолыгадыс, куучындажадыс ла биске ооруны таркадарыныҥ чочыдузы болбос деп сананбай, айландыра улустыҥ ла билелеристиҥ турчыларыныҥ су-кадыгыла «ойнобос» керек» — деп, тергеелик башкаруныҥ председателиниҥ ордынчызы, ӧрӧ адалган Аппараттыҥ јааны Михаил Маргачев айткан.

АР-дыҥ су-кадыкты корыыры аайынча министерствозыныҥ јетиргениле, прививка тургузар кампания башталганынаҥ ала тергеебиске 52732 доза вакцина келген. Олордоҥ 45972 доза — «Спутник V», 5200 доза — «ЭпиВакКорона» ла 1560 доза «КовиВак» вакциналардыҥ. Препараттарды мынаҥ да ары экелгилеер.

Тургуза ӧйдӧ тергееде прививканы 46303 кижи тургустырган. Олордоҥ 40512 кижи — «Спутник V», 5013 кижи — «ЭпиВакКорона» ла 778 кижи — «КовиВак» вакциналарды.

Горно-Алтайскта вакцина тургустырар пункттар 8:00 сааттаҥ ала 20:00 саатка јетире, амыраар кӱндерде 8:00 сааттаҥ ала 13:00 саатка јетире иштеп јат; Маймада 8:00 сааттаҥ ала 19:00 саатка јетире, амыраар кӱндерде 8:00 сааттаҥ ала 13:00 саатка јетире иштейт.

Горно-Алтайсктыҥ тӧс тепсеҥинде коронавирустаҥ вакцинацияныҥ мобильный пункты иштейт. Анда улус прививканыҥ баштапкы компонентин алар аргалу. Вакцинаны тургустырарга кижиде кожо паспорт, медицинский полис ле СНИЛС болор учурлу.

Ӧскӧ муниципал тӧзӧлмӧлӧрдӧ вакцинацияныҥ пункттары аймактардыҥ поликлиникаларыныҥ иштеер графиги аайынча иштейт. Ары Госјеткилдештердиҥ порталы ла регистратура (телефоны 83882226386) ажыра бичидерге јараар, анайда ок бойыныҥ участогына барып бичидер, аймактардыҥ эмчиликтериниҥ регистратураларыныҥ телефонына согор керек.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина