Курсанттар ченемел алат

20.07.2021

Пограничный институттардыҥ кезик курсанттары јайгы иш-практиканы Алтай Республикада ӧдӧт.

Россияныҥ ФСБ-зыныҥ Голицынский пограничный институдыныҥ курсанттары ишле јуук таныштыруны бистиҥ тергеедеги пограничный башкартуда ӧдӱп туру. Курганский ле Московский пограничный институттардыҥ курсанттары практиказын база мында ӧдӧри темдектелген.

Келер ӧйдиҥ офицерлериниҥ јайгы практиказы-ныҥ тӧс амадузы — служба аайынча ченемел алары, текши ле профессионал билгирлерин байыдары, командный ла методикалык билгир-ченемелдерин јарандырары.

Курсанттар чокым иштерди практиказыныҥ баштапкы ла кӱнинеҥ ала бӱдӱрип баштайт, ол иш-керектер олордыҥ черӱчил молјулары аайынча молјолот. Олор пограничный заставаларда пограничный нарядта болот, группалардыҥ јаандары болуп, бойыныҥ арга-кӱчин ченейт. Анайда ок олор оперативный иш ӧткӱрет, инженерный јазалдарла јууктада таныжат. Эл-јонло, албаты дружиналарла колбу тударына, бойыныҥ башкартузында черӱчилдерле таскамал иш ӧткӱрерине база ӱренет.

Туулу Алтайга баштапкы катап келген курсанттарды тергееле, оныҥ текши тӱӱкизиле, мындагы гран-кыйуны каруулдаарыныҥ байлык тӱӱкизиле таныштырат.

Бир айдыҥ туркунына ченемелдӱ офицер-таскадаачылардыҥ башкартузыла ӧдӧтӧн практиканыҥ учында курсанттар стажировказыныҥ уч-турулталарын корыыр. Јакшынак кӧргӱзӱлерге јеткен курсанттарга Пограничный башкартуныҥ быйанду сӧстӧри јарлалат ла «Пограничный службаныҥ отличниги» деген III степеньдӱ темдекле кайралдадат.

Россияныҥ ФСБ-зыныҥ Алтай

Республика аайынча башкартузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина