Эҥ саҥ башка Олимпий ойындар

27.07.2021

Јаан изӱ айдыҥ 23-чи кӱнинде Японияныҥ тӧс калазы Токиодо ачылган XXXIII јайгы Олимпий ле келер ӧйдӧги Паралимпий ойындар спорттыҥ маргаандарыныҥ тӱӱкизинде «эҥ саҥ башка» ойындар деп адалат.

Ол бир јылга соҥдоп ӧдӱп јат – коронавирусту југуш оору телекейде јайылганынаҥ улам былтыр ӧдӧтӧн маргаандар токтодылган болгон. Је Японияныҥ башкарузыныҥ албаданганыла, спорттыҥ телекейлик маргаандары ачылган.

Олимпий ойындардыҥ ачылтазында 70 муҥ кӧрӧӧчилер бадырар стадиондо бир де кӧрӧӧчи јок болгон, јӱк окылу улуска ла журналисттерге ачылтаныҥ байрамын кӧзиле кӧрӧр арга берилген.

Је маргаандардыҥ тӧзӧӧчилери байрамды экрандардаҥ кӧрӧри стадиондо до кӧрӧринеҥ артык болзын деп, эмдиги ӧйдиҥ ончо аргаларын тузаланган. Ачылтаныҥ кӧргӱзӱзинде Японияныҥ танылу темдектерин – јаҥжыккан кӱрештерди, Кабуки театрды, Фудзияма кырды, ороонныҥ бӱгӱнги сӱр-кеберин кӧргӱскениле коштой јаркынду кӧп јаҥыртулар кайкамчылу болгон. Онойдо, 1824 дрон теҥериге учуп чыгала, «Токио-2020» Олимпиаданыҥ эмблемазы болуп јуулып, оноҥ Јер-телекейдиҥ тегелиги болуп тура бергени ачылтаныҥ эҥ јаркынду кӧргӱзӱлериниҥ тоозына кирген. Бис кожо болор аргабыс јок то болзо, је бис ончобыс бирлик деп, бу кӧргӱзӱ сӧс јогынаҥ айткан. Олимпий ойындардыҥ «Оноҥ тӱрген, оноҥ бийик, оноҥ кӱчтӱ» деген јаҥжыккан кычырузына быјыл «кожо» деген сӧс кожулган, ол быјыл Олимпий чертке кирген.

Ойындарды Телекейлик Олимпий Комитеттиҥ јааны Томас Бах ла Японияныҥ императоры Нарухито ачкан. Олимпиаданыҥ одын теннисле телекейдиҥ эҥ артык спортчызы болгон Наоми Осака кӱйдӱрген. Бу от эҥ ару экологиялык одыруныҥ – водородтыҥ шылтузында кӱйген. Водородты тузаланган энергетика аайынча Япония озочыл јерде турат.

Ачылтаныҥ парадында 206 ороонныҥ спортчылары турушкан. Командалар толо эмес болгон, бир ороонноҥ 10-го до јетпес улус чыккан. Парадта бистиҥ спортчылар 77-чи номерле ӧткӧн. Россияныҥ јуунты командазы быјыл 2018 јылда чылап ок, допингле колбулу чугаан-табыштаҥ улам, национальный мааны ла гимн јогынаҥ туружып јат.

Олимпиаданы ӧткӱрерге кӧп јопондор удура болгон, је ойындар башталганыла бу тал-табыш јабызаган.

Пандемияла колбой Ойындардыҥ ончо туружаачыларына оору јайылбазын кичеер кату ээжилер ле некелтелер эдилип јат, олор 70 страница бичикте бичилген. Оорудаҥ чеберленер ле ол таркабазын болдыртпас ээжилер тыҥ да болзо, кӱнӱҥ сайын ӧткӱрген шиҥжӱ-тесттер ойындарда турушкан 17 кижиде оору барын бу кӱндерде јартаган.

Олимпий ойындар куран айдыҥ 8-чи кӱнине јетире улалар.

***

Маргаандар ӧткӧн эки кӱнниҥ турулталарыла бистиҥ ороонныҥ спортчылары јети медаль ойноп алган: бир алтын, тӧрт мӧҥӱн ле эки кӱлер.

Омсктыҥ 24 јашту спортчызы Виталина Бацарашкина пневматический колмылтыктаҥ адар маргаандарда јеҥӱлӱ баштапкы јерди алып чыккан. Рио-2016 јылдыҥ олимпий чемпионы ла эмдиги ӧйдӧ телекейдиҥ эҥ артык рапиристказы болгон Инна Дериглазова финалга јеҥил чыгып, американка Ли Киферге ойнодып ийгени ачу.

Маргаандардыҥ баштапкы кӱнинде пневматический мылтыктаҥ адарында Анастасия Галашина мӧҥӱн медаль ойноп алган, анайда ок тхеквондист Михаил Артамоновко 58 кг бескеде 3-чи јер келишкен.

Электрон СМИ-лердеҥ

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина