Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Калабыста јолдор, кӱрлер јазалат

03.08.2021

Горно-Алтайскта В. И. Ленинниҥ ле Г. И. Чорос-Гуркинниҥ ады-јолдорыла адалган оромдордо «Јеткер јок ло чыҥдый јолдор» деген эл ӱлекер аайынча јол јазаар иштер улалат.

Ленинниҥ оромы аайынча јазашту иштер Коммунистический проспект ле бу ором бириккенинеҥ ала Ленинниҥ кӱрине јетире бӧлӱкте ӧдӧт. Текши тооло мында бир километр кире јерге асфальт салылар. Онойдо ок бордюр таш солылар, јаҥы тротуарлар, суу туураладар система тудулар, јолдо керектӱ чийӱлер ле темдектер эдилер. «Эски музей» токтодуда тегерик клумба јоголтылар.

Ленинниҥ оромындагы общежитиениҥ јанында Улалушка суу кечире кӱр быјыл јазалбас. Оны јаҥыртар иштер келер јылда башталар деп, каланыҥ  администрациязы јетирет.

Чорос-Гуркинниҥ оромында јазашту иштер Ленинниҥ оромыла бириккенинеҥ ала почтаныҥ бӧлӱгине јетире јерде ӧдӧт. Мында 344 метр јолдыҥ ӱсти јаҥыртылат, тротуарлар эдилет. Бу јерлерде јазашту иштерди ӱлӱрген айдыҥ учына јетире тӱгезип салары темдектелген.

Тергеениҥ тӧс калазындагы Барнаульский оромдо јазашту иштер улалып јат. Јуукта Каясинский оромдо асфальтту јол јазалып калган.

Ленинниҥ ле Совхозный оромдордогы кӧлӱктӱ јӱрер кӱрлерди јазаары улалып јат. Баштапкы айдылган кӱр 1980 јылдарда тудулган. Јаҥы кӱрдиҥ узуны 61 метр болор, јалбагы — 14 метр. Јаан јазашту иштер ӧйинде јаҥы тӧзӧлгӧ-опоралар тургузылар, кӱрдиҥ ӱсти јаҥыртылар, јойу улуска тротуарлар салылар. Эм тургуза јазалып турган кӱрди экијандай удурумга кӱрлер салылган. Бу иштерди быјыл ла тӱгезип салары темдектелет деп, каланыҥ администрациязы јетирет.

Совхозный оромдогы кӱр јаскыда суу ажынганынаҥ улам ӱрелген. Јаҥы кӱр эскизинеҥ 1,7 метрге бийик тудулар. Кӧлӱктӱ јӱрер јердиҥ јалбагы 8 метр болор, бир јанында тротуар — 1,5 метр.

Быјыл Фрунзениҥ, Ленинниҥ (общежитиениҥ јанында), Чаптыновтыҥ (балдар табар тӧс јердиҥ јанында) оромдорындагы кӱрлерди јазаары аайынча шиҥжӱ иштер, ӱлекер-чоттоор окылу чаазындар белетелер деп, каланыҥ администрациязы чокумдайт.

Е. Бутушевтиҥ фотојуругында:

В. И. Ленинниҥ оромында кӱр јазалат

 

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина