Горно-Алтайсктыҥ оромдоры там ла јаранат

31.08.2021

«Јеткер јок ло чыҥдый јолдор» деген ӱлекер аайынча иштер Горно-Алтайсктыҥ оромдорында улалганча. Эки јылга мында 15 километр јолдор јазалган.

Быјыл Трактовыйдаҥ ала тӧҥди ӧрӧ 600 метр јол јазалды, мында јаҥы тротуарлар салынган, јолдыҥ знактары тургузылган, улус автобустарды сакыйтан јап-јаҥы ла јараш павильондор тудулган. Олорды Алтай Республиканыҥ 30 јылдыгына ла алтай албаты Россияга киргениниҥ 265-чи јылдыгына учурлалган јуруктар кееркедет.
Ленинниҥ оромында Коммунистический проспектке бириккенинеҥ ала Ленинниҥ кӱрине јетире јол асфальтла бӱркелген. Эски музейде тротуарларды ла јолдордыҥ белтирин јаҥыртары аайынча иштер ӧткӱрилет, олор учына јетсе, јолдорлдыҥ белтиринде светофордыҥ јаҥы объекттери тургузылар.
Ленинниҥ кӱрин јаҥызына солыыр иштер улалганча, јолјазаачылар оны јылдыҥ учына јетире тудуп салар амадулу.
Јолдорды јаҥыртар тушта оныҥ ӱстиндеги асфальтты кырып алат, ол гранулят дезе, каланыҥ ӧскӧ јолдорын чыныктап-тӱзедеринде экинчи катап тузаланылат. Темдектезе, Поселковый, Красногвардейский оромдор, бирӱзи Ленинниҥ оромынаҥ, экинчизи Толстойдыҥ оромынаҥ Пушкинниҥ оромына барган проездтер шак ондый стройэдимниҥ болужыла чыныкталган.
Быјыл јайгыда каланыҥ 40-нӧҥ кӧп оромы чыныкталды деп, мэрияныҥ јетирӱзинде айдылат. Јол ээлемниҥ сурактары аайынча иштейтен диспетчерский ачылган, јарт эмес сурактар аайынча эмди мындый номерге телефон согорго јараар: 8(38822) 4-74-75.
Шевченконыҥ, Гогольдыҥ, Чапаевтиҥ, Усть-Канский, Трудовой, Депутатский, Фрунзениҥ, Трофимовтыҥ, Пионерский, Совхозный, Больничный, Лесной, Афганецтердиҥ, Радужный оромдордо, Колхозный, Далекий, Жуковтыҥ переулокторында ла ӧскӧ дӧ јерлерде чыныктаачы иштер база ӧткӱрилди.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина