Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Ӱредӱлӱ јыл – јаҥырта јазалган школдо

03.09.2021

Кош-Агашта В. И. Чаптыновтыҥ адыла адалган школ капремонттыҥ кийнинеҥ 1300-теҥ ажыра балдарга бойыныҥ эжигин ачты. Школды чыныктап јазаар иш «Ӱредӱликтиҥ ӧзӱми» деген госпрограмма аайынча ӧткӧн.

Ӱредӱлӱ јылдыҥ баштапкы кӱнинде школдыҥ кӧдӱриҥилӱ ачылтазында Алтай Республиканыҥ башкарузыныҥ председателиниҥ баштапкы ордынчызы Виталий Махалов, тергеениҥ јурт ээлем аайынча министри Андрей Цыгулев, Кош-Агаш аймактыҥ јааны Серикжан Кыдырбаев ле оноҥ до ӧскӧлӧри туруштылар.
«Мен слерди Алтай Республиканыҥ башчызы Олег Хорохординниҥ адынаҥ узак ӧйгӧ сакыган учурлу керекле – аймакта эҥ ле јаан деген школдыҥ ачылтазыла уткуйдым. Учурлу бу керек ӱредӱлӱ јылдыҥ баштапкы кӱнинде ӧдӱп јатканы јарамыкту. Бу јаҥырта јазалган, јаан ла јарык школго балдар билгир аларга јилбиркеп келер» — деп, вице-премьер айтты.
Чыныкталып јазалатан иш тогус айдыҥ туркунына улалган. Мында суула јеткилдеериниҥ, сууны ӧткӱрериниҥ ле вентиляцияныҥ ижи, школдыҥ ичбойында текши тудум иш ӧткӱрилген, јаҥы кӧзнӧктӧр тургузылган. Бого ӱзеери тура бойы јылулалган ла тӧзи база јазалган.
«Бӱгӱн бистиҥ алдыста – эмдиги ӧйдиҥ јап-јакшынак, јаан ла телкем школы. Мен Алтай Республиканыҥ башчызы Олег Леонидович Хорохординге ле бу объектти чыныктаарыла колбулу сурактардыҥ аайы-бажына чыгарга болушкан улуска быйанымды айдадым» — деп, Серикжан Кыдырбаев уткуулду сӧзинде айтты.
Шак ла бу кӱнде Кош-Агаш аймактыҥ Чаган-Узун јуртында футболдыҥ јаҥы јалаҥы ачылган. Ол јурт јерлерди чуктай ӧзӱмдӱ јолло апарары аайынча программала јазалган.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина