Паралимпиецтер тӧрӧл университединде

08.10.2021

Бу кӱндерде Горно-Алтайсктагы госуниверситетте ӧткӧн туштажуда Юрий Лучкинге «Роман Ждановло экӱ Токиодо ӧткӧн Паралимпиадада једимдерге канайып јеткенигер?» деген сурак берилерде, ол: « Јеҥил болгон деп айдып болбозым. Ай-кӱнниҥ кандый ла айалгазында эртен тура 5 саат 40 минутта турала, эки катап тазыктырынарга бек чыду керек болгоны керегинде айтпаза да јарт. Озо баштап бассейнге једип алар керек. Бистиҥ айалгаларда дезе, анчада ла кышкыда, сӱрекей кӱчке келижип јат» – деген.

Ю. Лучкин Токиодо SB5 деп класста брасс бӱдӱмде 100 метр јӱзӱште тӧртинчи јер алган. Мыны Паралимпиадада јаҥыс ла финалга ӧткӧни учун јеҥӱ деп айдарга јараар. Р. Ждановто дезе ӱч «алтын» — 50 метрде брасста, 150 метрде комплексте, 50 метрде белге јадала эжинеринде, эки «кӱлер»— 100 ле 200 метрде јайым эп-аргала эжиниште. Ол анайда ок Паралимпий ойындардыҥ јабылтазында бистиҥ ороонныҥ јуунты командазыныҥ маанызын апарган.
ГАГУ-ныҥ психолого-педагогикалык факультединиҥ тӧртинчи курсыныҥ студент паралимпиецтериле кӧдӱриҥилӱ туштажу ӱлӱрген айдыҥ 5-чи кӱнинде, шак ӱредӱчилердиҥ байрамы темдектелип турган ӧйдӧ ӧткӧн.
Спортчыларды эҥ ле озо ГАГУ-ныҥ ректорыныҥ молјуларын бӱдӱрип турган Виталий Недельский уткуган. «Мында, слердиҥ альма-матер болгон ӱредӱлӱ јеригерде, слер учун сӱрекей тыҥ оорыгандар — слер тоолу ӧйгӧ мындагы улустыҥ та уулдары, та ака-карындаштары болуп калганыгарды ала тарый оҥдоорго кӱч болгон. Спорттогы једимдер јӱк ле бир проценттеҥ туруп јат, оныҥ арткан 99 проценти дезе турумкай ла чылазыны јок иштиҥ шылтузы. Оны ончо улус билер. Бис слерле оморкоп јадырыс. Спортто ло јӱрӱмде једимдеригер мынаҥ да ары кӧп болзын!» — деп, ол айткан.
Каланыҥ администрациязыныҥ јааныныҥ молјуларын бӱдӱрип турган Юлия Мягкова Роман Ждановты каланыҥ ӧзӱмине јаан камаанын јетиргени учун медальла кайралдаган. Юрий Лучкинге дезе мэрдиҥ Быйанду самаразын табыштырган. Спорт ло физкультура аайынча комитеттиҥ председатели Олег Гурин спортчыларды Кӱндӱлӱ грамоталарла кайралдаган. Спортчыларды анайда ок Эл Курултайдыҥ комитединиҥ јааны Сергей Тимошенский, Олимпий советтиҥ президенти Александр Телесов, кенек улустыҥ бастырароссиялык обществозыныҥ Алтайдагы организациязыныҥ председатели Людмила Рыспаева ла Романныҥ класстагы баштапкы башкараачызы Лилия Шадрина уткугандар.
Олор спортчылардыҥ баштапкы ла тургуза ӧйдӧги тазыктыраачыларына быйанду сӧстӧр айткандар. Јииттер ГАГУ-да ӱренип, Бийскте тазыктырынып јадылар. Роман дезе спорттогы баштапкы алтамдарын Горно-Алтайскта бассейнде Ирина Кригерде баштаган. Людмила Рыспаева Романла экӱ бу тазыктыраачыда канайда таскадынганын јылу эске алынган. Оныҥ айтканыла, Паралимпиадада турушкан атлеттер кенек спортчыларга сӱрекей јакшы јозок кӧргӱскендер. Лилия Алексеевна Шадрина дезе 10-чы таҥмалу школдыҥ ӱренчиктери спортчыларга эзен айттырганы керегинде айдып, олорды балдарла туштажуга кычырган: «Бис слерле сӱрекей тыҥ оморкоп јадырыс, школго кый-алтазы јогынаҥ келип барыгар».
Туштажуныҥ учында Роман Жданов ло Юрий Лучкин бастыра улуска быйанын јетирип, 2024 јылда Парижте ӧдӧтӧн XVII Паралимпий ойындарга белетеништи баштап ийгенис деп айткандар. «Токиодо болгон Ойындарда слердиҥ јӧмӧлтӧгӧр биске сӱрекей јаан болужын јетирген. Бӱгӱн, Ӱредӱчилердиҥ кӱни темдектелип јаткан кӱнде, ӱредӱчилерге ле келер ӧйдӧ ӱредӱчилер болотон јииттерге бек су-кадык ла једимдер кӱӱнзеп јадыс. Бис университетте тереҥ билгирлер алып, келер ӧйдӧ олордыҥ тоозына кожулып, мында кенек улустыҥ спортын ӧскӱрерге турубыс» – деп айткандар. Адакыда Роман ла Юрий кӧдӱриҥилӱ туштажуныҥ туружаачыларыла кожо фотојурукка соктыртып, тазыктырынышка атангандар.

Марина Григорьева

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина