Агару энелерге – ӱргӱлјиге ӱзӱлбес мак!

12.10.2021

Шак ла мынайда адалган аллеяныҥ ачылтазы ӱлӱрген айдыҥ 7-чи кӱнинде Улаган аймактыҥ Чибилӱ јуртында ӧтти.

Аллеяда 90-ноҥ ажыра ӱй улустыҥ керемикалык фотојуруктары тургузылган. Ӧткӧн тӱӱкилик јолдо бу ӱй улус ончо бойыныҥ арга-кӱчин колхоз-совхозтыҥ ижине беринген. Ол тоодо Улу јууныҥ балдары, тул арткан келиндер, тылдыҥ ишчилери. Јурттыҥ кажы ла билезин алып ийзе, андый ӱй кижи бар. Бастыра уур-кӱчтерди ӧткӧн, оныла коштой кӧп балдар азыраган энелердиҥ, эје-сыйындардыҥ ады-јолдоры ундылбай, јиит ӱйе оноҥ ары адап јӱрзин деп амадула сӱрекей јаан иш ӧткӱрилгенин темдектеер керек.
– Бир јылдыҥ туркунына Олег Осипович Енчинов ло Прасковья Егоровна Олчонова деп јаан јаштулар улустыҥ фотојуруктарын балдарынаҥ јууп, калага келип јазадып, јурттыҥ администрациязына јер берзин деп баштанып, амыры јок иштегендер. Јурт администрацияныҥ болужыла аллеяны манап, јарандырып, фотојуруктарды тургузып, јаан болужын јетирген јаан јаштуларыска алкыш-быйаныс айдып турубыс. Олор Николай Петрович Тондоев, 80 јашту ӧрӧкӧн ончо ӱлекер-ишти бӱдӱрип, темир чеден каҥдап иштенген, Рафаилл Иосифович Олчонов, Станислав Моисеевич Токоеков, Петр Николаевич Куюков, Олег Давыдович Куюков. Ӧткӧн јылда О. О. Енчиновтыҥ баштаҥкайыла адалардыҥ фотојуруктары тургузылган болгон. Олег Осипович ада-энелеристиҥ ады-јолдоры бийик кӱндӱӱде болзын деп амадап, акту кӱӱнинеҥ бу јаан ишти апарып јатканына бис, јурттыҥ улузы, алкыш-быйанду јӱредис. Бойыныҥ тӧрӧл јурты, јаан јашту улузы, ветерандары, јаш ӱйези керегинде сананып, Олег Осипович бир де амыр отурбай, бойыныҥ ла арга-кӱчиле мындый иштер ӧткӱрет – деп, иштиҥ ветераны С. К. Иванова айтты.
Кӧдӱриҥилӱ байрам кӱнде коштойындагы Кара-Кујур јурттаҥ «Чолмонду», Чибилӱдеҥ «Синегорье» ӧмӧликтер ле школдыҥ ӱренчиктери јуулгандарга ойын-концерт сыйладылар. Анайда ок аймактыҥ јааны, депутаттар база туруштылар. Чибилӱ јурттыҥ јааны Г. И. Санин јаан јаштуларыстыҥ јондык иштерин јӧмӧп турганын темдектеп ийер керек. Ӧмӧ-јӧмӧ, нак јӱрзебис, мынаҥ да кӧп иштерди бӱдӱреристе алаҥзу јок.

Х. Тадина

ТОП

Положение о фотоконкурсе «Бир фотојуруктыҥ тӱӱкизи»

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от 02.02.2026 № 3 Триянова С В. _________________ Положение о фотоконкурсе «Бир фотојуруктыҥ тӱӱкизи» («История одной фотографии»), посвященном 35-летию Республики Алтай, 270-летию вхождения алтайского народа в состав Российской империи Общие положения 1.1. Настоящее положение о проведении фотоконкурса «Бир фотојуруктыҥ тӱӱкизи» («История одной фотографии») (далее —

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от _____________ № Триянова С В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики Алтай.

Эл Курултайдыҥ эҥ артык jосокчылар талдаарына jарлаган конкурсына туружары башталды

Парламенттиҥ сыйы учун мӧрӧй республиканыҥ ӱредӱлигине jаан камаанын jетирген школдоҥ озогы, ӱзеери, текши ле профессионал бӱдӱмдерлӱ учреждениелердиҥ ӱредӱчилери ортодо ӧдӧр. Эл Курултайдыҥ спикери Эжер Ялбаковтыҥ jартаганыла, быjыл берилетен сыйдыҥ кеми 100 муҥ салковой ло лаураттардыҥ тоозы экидеҥ тӧрткӧ кӧдӱрилген. Бу конкурс jаҥыс ла сый учун, акча учун jарлалбаган, конкурстыҥ jеҥӱчилдериле туружаачылары jосокту ижиле jашӧскӱримди ӱредеринде