Экстремизмди болдыртпаска

15.10.2021

Ӱлӱрген айдыҥ 12-чи кӱнинде АР-дыҥ башкарузыныҥ председателиниҥ баштапкы ордынчызы Эжер Ялбаков тергееде экстремизмди болдыртпазы аайынча ведомстволор ортодогы камыстыҥ јуунын ӧткӱрген.

Јуунда бӱдӱреечи јаҥныҥ органдарыныҥ ла муниципал тӧзӧлмӧлӧрдиҥ администрацияларыныҥ чыгартулу улузы турушкан.
Республиканыҥ јеринде экстремистский ле террористический ууламјылу материалдарды таркадарын илелеери ле болдыртпазы аайынча иштиҥ, ол тоодо Интернетте мониторингтиҥ, турулталары керегинде республикан МВД-ныҥ экстремизмди болдыртпазы аайынча тӧс јериниҥ јааны Сергей Фигулин јетирӱ эткен.
Оныҥ айтканыла, ичбойындагы керектердиҥ Алтай Республика аайынча министерствозыныҥ ишчилери республиканыҥ элбек јетирӱлер эдер эп-аргаларын, анайда ок Интернетти экстремистский идеологияны таркадат па, агитационно-пропагандистский бичимелдер јарлайт па деп, кӱнӱҥ сайын ширтейт.
Бу ишти ӧткӱрип тура, экстремистский ууламјылу јетирӱлик бичимелдер тургузылганы, анайда ок Интернетте мылтык-јепселди таҥынаҥ канайда белетеп алары аайынча видеоинструкция јарлалганы илелелген. Бу материалдар Роскомшиҥжӱниҥ башкартузына ла республикан прокуратурага аткарылган.
Горно-Алтайсктыҥ государственный университединиҥ ректорыныҥ молјуларын бӱдӱреечи Виталий Недельский јашӧскӱрим ортодо экстремизмди болдыртпазы аайынча кандый иштер ӧткӱрилип турганы керегинде айткан. Оныҥ темдектегениле, баштапкы курстыҥ студенттерин клубтарга, секцияларга, студенттердиҥ биригӱлерине јӱргӱзери стратегический амаду болуп јат. Студенттердиҥ 70 процентинеҥ кӧбизи вузтагы клубтарга, биригӱлерге, секцияларга јӱрӱп турган болзо, арткандары каланыҥ учреждениелеринде јӱрет.
Оноҥ башка ГАГУ-да «Горизонт» деп туристский клуб ла «Буревестник» деген спортклуб, анайда ок «Ӧскӧ ороондордыҥ студенттери» деп адалган биригӱ, факультеттердиҥ студенческий советтери, агитдесант, юридический клиника, волонтерлордыҥ тӧс јери, профсоюзный организация иштейт. Студенттер ӱредӱлик сообществодо калыктар ортодогы эптӱ-јӧптӱ айалганы чеберлеерине ууламјылалган јӱзӱн-башка керек-јарактарда база туружат.
Россия Федерацияда экстремизмди болдыртпазы аайынча 2025 јылга јетире темдектелген иштер Алтай Республиканыҥ муниципал тӧзӧлмӧлӧринде канайда ӧдӱп турганы керегинде јетирӱлерин Чой, Оҥдой ло Майма аймактардыҥ чыгартулу улузы айткан.
Муниципал тӧзӧлмӧлӧрдӧ экстремистский ууламјыла тӧзӧлип јаткан структураларды эртедеҥ илелеери аайынча ведомстволор ортодо ӧмӧ-јӧмӧ иш тӧзӧлгӧн.
Террористический ле экстремистский чочыдулар керегинде оперативный учурлу јетирӱлерле ӱлежер иш јаантайын ӧдӧт. Јашӧскӱримди јуучыл-тӧрӧлчи кӱӱндӱ болорына таскадарына јаан ајару эдилет. Аймактарда јуучыл-патриотический ле спортивный клубтар, культураныҥ ла амыраарыныҥ учреждениелери иштейт, јашӧскӱримниҥ кыймыгуларыныҥ ижи тӧзӧлгӧн. Экстремизмди болдыртпазы аайынча волонтерлордыҥ ижине јашӧскӱрим эрчимдӱ јилбиркедилет.
Экстремизмди болдыртпайтан бӧлӱкте айалгага камаанын јетирип турган политикалык, јонјӱрӱм-экономикалык ла оноҥ до ӧскӧ иштердиҥ мониторинги база јаантайын ӧткӱрилет.
Аймактардыҥ ӱредӱлик организацияларында ӧткӱрилип турган таскаду иштер озо ло баштап Алтай Республиканыҥ ла Россияныҥ албатыларыныҥ тӱӱкилик ле культуралык энчизин тооп јӱрерине ууламјылалган болуп јат.
АР-дыҥ национальный политика ла јондык колбулар аайынча комитединиҥ председателиниҥ ордынчызы, Алтай Республикада экстремизмди болдыртпазы аайынча ведомстволор ортодогы камыстыҥ качызы Родион Винокуров камыстыҥ мынаҥ озо ӧткӧн јуунында алынган јӧптӧр аайынча ӧткӱрилген иштердиҥ турулталары керегинде айткан.
Јуунныҥ турулталары аайынча каруулу ведомстволорго ло структураларга јакылталар ла тӱп-шӱӱлтелер берилген, ол тоодо муниципал тӧзӧлмӧлӧргӧ экстремизмди болдыртпазы аайынча ишти тыҥытсын деп айдылган.

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым