Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

ГАГУ-да билимниҥ неделези ӧткӧн

15.10.2021

Горно-Алтайсктагы университетте билимниҥ неделези ӧткӧн. Ол ӱлӱрген айдыҥ 11-чи кӱнинде башталган. Баштапкы кӱнде ГАГУ-ныҥ тӧс корпузында билимдик иштердиҥ турулталарыныҥ кӧрӱзи ле интерактивный площадкалар ачылган.

Билимниҥ неделезиниҥ кӧдӱриҥилӱ ачылтазында кире сӧсти ГАГУ-ныҥ билим-педагогиканыҥ кадрларын белетеер бӧлӱктиҥ јааны Елена Устюжанина ла келген айылчылар айткан. Оны ээчий Горно-Алтайсктыҥ государственный университединиҥ ректорыныҥ молјуларын бӱдӱрип турган Виталий Недельский улустыҥ ла искусственный интеллекттиҥ колбузы деген темага јетирӱ эткен. Тӱӱкиниҥ ле археологияныҥ кафедразыныҥ доценти Никита Константиновтыҥ Пазырыктыҥ культуразы керегинде куучыны јуулган улуска јилбилӱ болгон деп айдар керек.
Студенттер тӱӱкини билери аайынча викторинада, география јанынаҥ билгирлердиҥ блиц-турниринде туружып, робототехниканыҥ кӧрӱзинде болгондор.
Олор анайда ок доцент Надежда Тадинаныҥ Алтай Республиканыҥ этнографиязы, алтай албатыныҥ јадын-јӱрӱминдеги јаҥжыгулары керегинде лекциязын, «Буревестник» спортклубтыҥ председатели Сергей Сидоровтыҥ лекциязын јилбиркеп уккандар, «Dinosaur Game» ойынныҥ болужыла эксперимент-ченелте ӧткӱргендер.
Билимниҥ неделези бӱгӱн, ӱлӱрген айдыҥ 15-чи кӱнинде, ижин тӱгезер. Бу неделе туркунына ГАГУ-ныҥ музейный комплексине, Туулу Алтайдыҥ археологиязыныҥ ла этнографиязыныҥ музейинде экскурсияда туружарга, заведениениҥ Интеллект-тӧс јериле, археологияныҥ ла этнографияныҥ музейиле таныжар арга болгон.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина