Кӱӱниҥ телекейи — кайкамчылу телекей

22.10.2021

Горно-Алтайскта 50 јыл мынаҥ кайра 2-чи таҥмалу кӱӱлик школ ачылган.

Областьтыҥ национальный школында 1971 јылдыҥ кӱчӱрген айыныҥ 1-кы кӱнинде балдардыҥ 2-чи таҥмалу кӱӱлик школы ачылган. Мында јетен беш бала ӱренген. Бойында таҥынаҥ тура јок болгонынаҥ улам школды јеткилдеери 1972 јылдыҥ чаган айыныҥ 1-кы кӱнине јетире 1-кы таҥмалу кӱӱлик школго молјолгон. Оныҥ баштапкы директоры Владислав Матюшин болгон. Ол труба, фортепиано, баян, хор деген класстардыҥ 4 ӱредӱчизинеҥ турган ӧмӧликти башкарган.
1986 јылда школго јаҥы, јайаандык амадулары јаан башкараачы Галина Полякова келген. Школдо домраныҥ, хореографияныҥ класстары ачылат. Эҥ ле тӱжӱмдӱ, једимдӱ 1990 јыл болгон — школды божоткон 11 баланыҥ тӧртӱзи кӱӱлик училищеге ӱренерге кирет. Ӱренип турган балдардыҥ тоозы кӧптӧп, башка-башка ууламјылар аайынча 140 бала ӱренген.
1994 јылда школго эки кат јаҥы тура табыштырылган. Мында ӱренер телкем класстар, хореографияныҥ урокторына кӱскӱлӱ зал, концерттер ӧдӧтӧн зал — эжиктерин кӱӱнзеген, амадаган балдарга ачкан.Школго байлык ченемелдӱ, јайаан јайалталу ӱредӱчилер иштеп келген.
2004 јылда кӱрее кожоҥныҥ, 2005 јылда театральный класстары ижин ойто улалткан. Кӱӱлик школ бойыныҥ ӱредӱчилериле, ӱренчиктериле јолду оморкойт. Олордыҥ кӧп сабазы бӱгӱнги кӱнде Алтай Республиканыҥ культуразыныҥ ӧзӱмдӱ јолына бойыныҥ јӧмӧлтӧ-болужын јетирет. Каланыҥ 2-чи таҥмалу кӱӱлик школында бойыныҥ ӧйинде АР-дыҥ нерелӱ артисти Алена Челтуева, Оҥдойдогы кӱӱлик школдыҥ ӱредӱчизи Т. Тоётова, Уулчактардыҥ ады јарлу алтай студиязыныҥ балетмейстери Айсулу Чинина ӱренген. Школдыҥ ӱредӱчилериниҥ тоозында ады-јолы танылу кӱӱ чӱмдеечилер А. Тозыяков, Б. Шульгин иштеген.
Бӱгӱнги кӱнде калада балдардыҥ 2-чи таҥмалу кӱӱлик школын байлык ченемелдӱ Айсулу Чинина билгир башкарат.

АР-дыҥ эл-тергеелик кӧмзӧзинеҥ

ТОП

Положение о конкурсе стихов собственного сочинения, посвященном 20-летию молодежного приложения «Јылдыстык» газеты «Алтайдыҥ Чолмоны», «Јайым толкулар» («Вольные волны»)

УТВЕРЖДАЮ Приказом главного редактора АУ РА «Редакция газеты «Алтайдын Чолмоны» от 12.01.2023 №6 __________ Триянова С.В. Положение о конкурсе стихов собственного сочинения, посвященном 20-летию молодежного приложения «Јылдыстык» газеты «Алтайдыҥ Чолмоны», «Јайым толкулар» («Вольные волны») Общие положения Положение определяет условия, основы организации и порядок проведения конкурса, посвященного 20-летию приложения «Јылдыстык» республиканской массовой газеты «Алтайдыҥ Чолмоны».

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина