Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Оперштабтыҥ ээчий јуунынаҥ

12.11.2021

Алтай Республиканыҥ башчызы Олег Хорохордин бу неделениҥ бажында коронавирус југуш ооруныҥ таркаарын болдыртпазы аайынча оперативный штабтыҥ јуунын ӧткӱрген. Јуун видеоконференция эп-аргала ӧткӧн.

Оперштабтыҥ јетирӱлери аайынча пандемия башталганынаҥ ала республикада ковидле 23386 кижи оорыган, 21041 кижи јазылган, 458 кижи божогон. Ӧткӧн неделе туркунына Алтай Республикада коронавирусла оорыган 356 јаҥы учурал темдектелген.
«Тергееде улус ковидле оорыган учуралдар эмештеҥ астап баштаганы темдектелет, неделелер туркунына кӧптӧгӧниниҥ кийнинеҥ. Анайып, оорыган учуралдар 11,7 процентке јабызаган. Мынызы озо ло баштап Горно-Алтайскта ла Майма аймакта андый јаҥы учуралдардыҥ јабызаганыла колбулу. Горно-Алтайскта 140, Майма аймакта 52 кижи оорыган. Ӧткӧн неделеде оорыган улустыҥ текши тоозыныҥ 63 процент ӱлӱзи калага ла Маймага келишкен болзо, бу неделеде бу тоо 54 процентке јетире јабызаган» – деп, Олег Хорохордин айткан.
Бу ок ӧйдӧ Турачак ла Чамал аймактарда коронавирусла оорыган јаҥы учуралдар билдирлӱ кӧптӧй берген. Ӧскӧ муниципалитеттерде кубулталар андый ла тыҥ эмес.
Тергеениҥ башчызы иштебей айылда отурган бир неделе ӧй божогонын, кӧп саба тергеелер, ол тоодо Алтай Республика, бу ӧйди оноҥ ары узатпаганын айткан.
«Андый да болзо, айалга кӱч болуп артканча ла айалганы оҥдолторго, ооруныҥ таркаарын болдыртпазыныҥ эп-аргалары кату болор учурлу. Алтай Республикада кӱчӱрген айдыҥ 1-кы кӱнинеҥ ала QR-кодтордыҥ системазы культураныҥ госучреждениелеринде иштеп баштаган. Бир неделедеҥ Горно-Алтайскта ла Майма аймакта иштеп баштаар. QR-кодты культураныҥ учреждениелерине (музейлер, театрлар, кинотеатрлар, библиотекалар), спорттыҥ учреждениелерине (фитнес-центрлер, спортзалдар, бассейндер), ашкарарыныҥ предприятиелерине (кафелер, барлар, ресторандар, пабтар ла о.ӧ.), конор тураларга, туристический базаларга ла кӧп улус јаттыргызатан ӧскӧ дӧ јерлерге кирерге QR-кодтор кӧргӱзер керек болор» – деп, республиканыҥ башкараачызы айткан.
АР-дыҥ культуразыныҥ министри Ольга Антарадонова кӱчӱрген айдыҥ 1-кы кӱнинеҥ ала тергееде кӧп улус јуулып турган бир кезек јерлерде QR-кодтор кийдиргениле колбой культураныҥ учреждениелери канайда иштеп турганы керегинде јетирӱ эткен. Оныҥ темдектегениле, иштебеген кӱндерде А. В. Анохинниҥ адыла адалган эл музейге QR-кодло 176 кижи кирген, андый сертификаттары јок 39 кижи кирип болбогон.
П. В. Кучияктыҥ адыла адалган эл театрга QR-код аайынча 137 кижи кирген болзо, 14 кижи вакцинаны тургустырганын керелеген справка, ӱч кижи ПЦР-тест кӧргӱзип кирген. Ӱч кижини кийдирбегендер. Эл театрда «Дирекция 3D» кинозалга 148 кижи кирер аргалу болгон, 52 кижини QR-кодторы јок деп кийдирбегендер.
Алтай Республиканыҥ су-кадыкты корыыр министриниҥ молјуларын бӱдӱреечи Валерий Елыкомовтыҥ айтканыла, он моногоспитальда 623 орын тургузылган, олордоҥ 124 орын бош.
Ол анайда ок бу иштебеген кӱндерде коронавирустаҥ вакцина тургузары аайынча иш эрчимдӱ ӧткӧнин темдектеген. Бӱгӱнги кӱнге јетире прививканы 78913 кижи алган. Республикага «Спутник V», «ЭпиВакКорона», «КовиВак» ла «Спутник Лайт» деп тӧрт бӱдӱм бастыра 112 960 доза вакцина келген.
Калада ла аймактарда вакцинацияныҥ 35 пункты иштейт, бир андый пункт МВД-ныҥ поликлиниказыныҥ структуразында тӧзӧлгӧн. Оҥдой, Майма ла Чамал јурттарда ӱч мобильный пункттар иштейт. Оноҥ ӧскӧ 33 мобильный бригада база ижин улалтат. Келер јуук кӱндерде Горно-Алтайскта садуныҥ «Горный» деп тӧс јеринде вакцинацияныҥ мобильный пунктын ачары темдектелет.
Олег Хорохордин каланыҥ микрорайондорында вакцинацияныҥ ӱзеери мобильный пункттарын тӧзӧӧр арганы тапсын деп айткан.
Алтай Республиканыҥ ӱредӱ ле билим аайынча министри Ольга Саврасова ӱлӱрген айдыҥ 30-чы кӱнинеҥ ала кӱчӱрген айдыҥ 7-чи кӱнине јетире школдыҥ ӱренчиктери кӱски каникулдарда болгонын, профессионал ӱредӱлӱ организациялардыҥ студенттери дезе ӱредӱниҥ дистанционный аайына кӧчӱрилгенин темдектеген. Кӱски каникулдар ӧйинде Алтай Республиканыҥ јеринде балдардыҥ 22 садигинде 23 группа иштегенин ол база айткан.
Министрдиҥ темдектегениле, тургуза ӧйдӧ 11 школдо 23 класска, он садикте 14 группага кирелендириштиҥ керек-јарактары кийдирилген.
Роспотребшиҥжӱниҥ Алтай Республика аайынча башкартузыныҥ јааны Леонид Щучиновтыҥ айтканыла, пандемия башталганынаҥ ала тергееде коронавируска 311 532 лабораторный шиҥжӱ ӧткӱрилген.
Роспотребшиҥжӱниҥ Алтай Республика аайынча башкартузыныҥ ишчилери тергеениҥ организациялары ла предприятиелери коронавирус југуш ооруныҥ таркаарын болдыртпазы аайынча ээжилерди бӱдӱрип турган ба деп кӱнӱҥ сайын шиҥдейт. Јыл башталганынаҥ ала 4992 объект шиҥделген, 1817 протокол тургузылган. Ӧткӧн неделеде 152 организация шиҥделген, 47 протокол тургузылган.
Јуун ӧйинде АР-дыҥ башчызыныҥ, АР-дыҥ башкарузыныҥ председателиниҥ ле АР-дыҥ башкарузыныҥ аппарадыныҥ јааныныҥ ордынчызы Александр Сафронов ӧткӧн неделеде муниципал тӧзӧлмӧлӧрдиҥ администрациялары эпидемияны болдыртпазыныҥ некелтелерин бузуп турган ба деп, 346 рейд ӧткӱргенин, илелелген бузуштар аайынча 58 протокол тургузылганын айткан.

АР-дыҥ башкарузыныҥ пресс-службазы

ТОП

«Јиит улусты јӧмӧӧргӧ кичеенедис…»

Бистиҥ бӱгӱнги айылчыбыс Г.И. Чорос-Гуркинниҥ адыла адалган јондык сыйдыҥ коммерциялык эмес «Оностогы кӱрее» кӧмзӧзиниҥ башкараачызы, чӱмдӱ бичик кепке базар «Алтын Туу» байзыҥ-јурттыҥ директоры Татьяна ТУДЕНЕВА. – «Алтайдыҥ Чолмоны» газеттиҥ кычыраачыларын кирген Јаҥы 2022 јылла уткуп, бу јыл албаты-јоныска амыр-энчӱ, једимдӱ јыл болзын деп кӱӱнзейдим. Эртен алтай калыктыҥ атту-чуулу јурукчызы, јондык ла политикалык ишчизи Григорий Иванович

«Улучшать облик сибирских городов, повышать удобство жизни в них…»

Глава Республики Алтай Олег Хорохордин принял участие в совещании, посвященном итогам 2021 года и задачам на 2022 год по реализации инициатив главы государства в субъектах Федерации. Заседание Совета провел полномочный представитель Президента Российской Федерации в Сибирском федеральном округе Анатолий Серышев. Полпред отметил, что президент России в Послании Федеральному Собранию 21 апреля текущего года поставил задачи

Полпред тергеениҥ ӧзӱминиҥ аргаларыла танышкан

Россия Федерацияныҥ Президентиниҥ Сибирьдеги федерал округтагы чыдулу чыгартулу кижизи Анатолий Серышев бистиҥ тергееде ишмекчи јол-јорыкла болуп, республиканыҥ турист ле агропромышленный аргаларын шиҥдеп кӧргӧн. Ол Майма аймактыҥ јериндеги јыл туркунына иштеер «Манјӱрек» деп курорттыҥ келер ӧйдӧ ӧзӱминиҥ аргаларыла танышкан. Бу курортло колбулу ӱлекерди бӱдӱрери јанынаҥ иштер 2004 јылда башталган, 2010 јылда оныҥ баштапкы канатный јолы ла