Полпред тергеениҥ ӧзӱминиҥ аргаларыла танышкан

14.12.2021

Россия Федерацияныҥ Президентиниҥ Сибирьдеги федерал округтагы чыдулу чыгартулу кижизи Анатолий Серышев бистиҥ тергееде ишмекчи јол-јорыкла болуп, республиканыҥ турист ле агропромышленный аргаларын шиҥдеп кӧргӧн.

Ол Майма аймактыҥ јериндеги јыл туркунына иштеер «Манјӱрек» деп курорттыҥ келер ӧйдӧ ӧзӱминиҥ аргаларыла танышкан. Бу курортло колбулу ӱлекерди бӱдӱрери јанынаҥ иштер 2004 јылда башталган, 2010 јылда оныҥ баштапкы канатный јолы ла коночылык комплекстиҥ ӱч туразы иштеп баштаган. 2017 јылда курорт «Сбербанк России» ПАО-ныҥ тӧс инвестиционный ӱлекерлериниҥ бирӱзи боло берген.
Тургуза ӧйдӧ 210 јерлӱ коночылык, бугельный ла кресельный подъемниктер, туу-чаналык јол, Россияда эҥ јаан ла јолы чӱмдӱ байк-парк тудулган ла иштейт. 2020 јылда бери 300 муҥ кире кижи келип јӱрген.
Инвестиционный ӱлекер тергеелик учур алынган. 2035 јылга јетире ӧйдиҥ туркунына коночылык комплексти тудары, туу-чаналык зонаны узуны 20 километр кире јолдорлу эдип ӧскӱрери темдектелет. Анайып, бу курортко јыл туркунына келип турган улустыҥ тоозын 515 муҥга јетире кӧптӧдӧр арга тӧзӧлӧр.
Анатолий Серышев анайда ок тергеениҥ культуразыныҥ јаан ла учурлу объеги болуп турган учреждениениҥ — А.В. Анохинниҥ адыла адалган эл музейдиҥ ижиле танышкан. Музей бистиҥ тергееге келип турган туристтерди јилбиркедер тӧс јерлердиҥ бирӱзи болуп јат. Музейдиҥ тӧс кӧмзӧзиниҥ кеми 60 муҥ экспонаттаҥ кӧп, олор ажыра республиканыҥ албатыларыныҥ материальный эмес ла кӧгӱстик культуразыла јууктада ла элбеде таныжар арга бар. Музейдиҥ байлыктарыныҥ тоозында: тергеениҥ тӱӱкизиниҥ бастыра тӧс бӧлӱктериле колбулу археологиялык табынтылар, кийим-тудумныҥ этнографиялык коллекциялары, айыл-јуртта тудунар-кабынар не-немелер, јуранарыныҥ ла декоративно-прикладной искусствоныҥ чӱмдемелдери.
Анайда ок Анатолий Серышев «Амза» деп адалган тергеелик агропромышленный парктыҥ площадказында болгон. Бу объект «Кичӱ ле орто аргачылык ла таҥынаҥ аргачылык баштаҥкайларды јӧмӧӧри» деген нацӱлекерди јӱрӱмде бӱдӱрери кеминде тӧзӧлип јаткан. Площадкалардыҥ бирӱзинде эттеҥ, агросырьедоҥ ла јерлик ӧзӱмдердеҥ не-немелер белетелер ле белен продукцияны садар.
Тургуза ӧйдӧ бу объект јаар јол тудулган, ол электро, суу, газјеткилдешле јеткилделген, анайда ок производственный ла административный туралар тудулган ла ӧскӧ дӧ баштамы иштер ӧткӱрилген. 2024 јыл кирезинде парктыҥ јеринде он предприятие-резидент иштеер деп темдектелет.

АР-дыҥ башкарузыныҥ пресс-службазы

ТОП

Положение о фотоконкурсе «Бир фотојуруктыҥ тӱӱкизи»

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от 02.02.2026 № 3 Триянова С В. _________________ Положение о фотоконкурсе «Бир фотојуруктыҥ тӱӱкизи» («История одной фотографии»), посвященном 35-летию Республики Алтай, 270-летию вхождения алтайского народа в состав Российской империи Общие положения 1.1. Настоящее положение о проведении фотоконкурса «Бир фотојуруктыҥ тӱӱкизи» («История одной фотографии») (далее —

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от _____________ № Триянова С В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики Алтай.

Эл Курултайдыҥ эҥ артык jосокчылар талдаарына jарлаган конкурсына туружары башталды

Парламенттиҥ сыйы учун мӧрӧй республиканыҥ ӱредӱлигине jаан камаанын jетирген школдоҥ озогы, ӱзеери, текши ле профессионал бӱдӱмдерлӱ учреждениелердиҥ ӱредӱчилери ортодо ӧдӧр. Эл Курултайдыҥ спикери Эжер Ялбаковтыҥ jартаганыла, быjыл берилетен сыйдыҥ кеми 100 муҥ салковой ло лаураттардыҥ тоозы экидеҥ тӧрткӧ кӧдӱрилген. Бу конкурс jаҥыс ла сый учун, акча учун jарлалбаган, конкурстыҥ jеҥӱчилдериле туружаачылары jосокту ижиле jашӧскӱримди ӱредеринде