Јаҥы јылдыҥ алдында

15.12.2021

Ок-јаадаҥ таҥма адары аайынча Горно-Алтайсктыҥ Јаҥы јылга учурлалган турнири тӱгенди. Спортчылар бу маргаандарда таҥманы 12 ле 18 метр ыраагынаҥ аткандар.

18 метр ыраагынаҥ адарында ӱй улус ортодо тартыжулар эрчимдӱ ӧткӧн. Квалификацияныҥ турулталарыла мында Михаил Карамаевтиҥ адыла адалган гимназияныҥ ӱренчиги Ирина Ховалыгка једер спортчы болбоды. Ирина 600 очкодоҥ 404 очко јууп, јаан улус ортодо ӱчинчи разрядтыҥ нормативин бӱдӱрип, арткандарын озолоп чыккан. Је ол финалда квалификацияда экинчи јер алган Нина Садаловага ойноттырат. Анайып, Ирина Ховалыг бу маргаандарда јӱк ле экинчи јерге чыгып јат. Ӱчинчи јерге дезе ченемелдӱ спортчы Олеся Брызгалина чыккан (Чамал аймакта Катунь јуртта тазыктыраачы болуп иштейт). Бу тазыктыраачы маргаандарга бойыныҥ јиит спортчыларын экелген. Олор тартыжуларда јакшы турушкандар. Степан Огнев јеҥӱчил болуп чыккан, а Иван Костоусов экинчи јер алган.
Ӱй улус ортодо јеҥӱчил болуп чыккан Нина Садалова ок-јаала озо баштап шагайактар аайынча тазыктырынып баштаган. Кӧндӱккен ле таскаган кийнинде, спорттыҥ ээжилериле адып турган бӱдӱмге кӧчкӧн. Мында ол билдирлӱ једимдерге јеткен. Национальный адыштаҥ спорттыҥ ээжилериле адып турган бӱдӱмге јаҥыс та ол эмес, је анайда ок Алексей Привалов база кӧчкӧн. Алексей бу маргаандарда ӱчинчи јер алган. Ол шагайактар аайынча призер болуп јаҥыс катап чыккан эмес. Јаҥы јылга учурлалган турнирде дезе оныҥ кӧргӱзӱлерин јӱк ле спортивный адыштыҥ техниказынаҥ «аксаҥдаган» соҥдоштор буудактаган.
Экинчи јер алган Руслан Камалдтиновтыҥ једими кемди де кайкатпаган. Тазыктырыныш ӧйинде ол сӱрекей јакшы адып јат. Је бу спортчы психологический јанынаҥ бийик кӧргӱзӱлерге эмди тургуза, байла, белен эмес. Ол спорттыҥ ветераны Александр Сельбиковко очколор јанынаҥ ойноттырып ийген. Бу маргаандарда ок-јаага јаҥы ла баштапкы алтамдар эдип турган спортчылар 12 метрге база аткандар. Мында Кыдат јеринде ӱренип турган Татуна Паштакова јеҥген. Каланыҥ ок-јаачылары Эмина Тадырова ла Динара Байбекова дезе экинчи ле ӱчинчи јерлерге чыккандар. 12 метр адышта Степан Огнев јакшынак техника кӧргӱзип, уулчактар ортодо јеҥӱчил болгон. Ол 464 очко јууп, уулдар ортодо баштапкы разрядтыҥ нормативин ажыра бӱдӱрген.
Јаҥы јылга учурлалган бу турнирде баштапкы ла катап Горно-Алтайсктыҥ ла Чамалдыҥ командалары ортодо маргаандар ӧткӧн. Мында «Најылык» деп команда (Н. Садалова, И. Ховалыг, Л. Коргина) Катунь јурттыҥ «Катунь» деп командазына (О. Брызгалина, А. Огнева, М. Красавина) 2:6 тооло ойноттырып ийген. Ок-јаачылардыҥ ээчиде маргаандары бир неделениҥ бажында ойто ло јурт ээлемниҥ Майма јуртта ӱредӱлик заведениезиниҥ спортзалында ӧдӧр. Јаҥар айдыҥ 26-чы кӱнинде анайда ок кокыр-соотту «Кем јалку эмес» деген јилбилӱ маргаандар ӧдӧри база темдектелет.

Александр СЕЛЬБИКОВ,
ок-јаала республикан федерацияныҥ президенти

ТОП

Положение о фотоконкурсе «Бир фотојуруктыҥ тӱӱкизи»

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от 02.02.2026 № 3 Триянова С В. _________________ Положение о фотоконкурсе «Бир фотојуруктыҥ тӱӱкизи» («История одной фотографии»), посвященном 35-летию Республики Алтай, 270-летию вхождения алтайского народа в состав Российской империи Общие положения 1.1. Настоящее положение о проведении фотоконкурса «Бир фотојуруктыҥ тӱӱкизи» («История одной фотографии») (далее —

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от _____________ № Триянова С В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики Алтай.

Эл Курултайдыҥ эҥ артык jосокчылар талдаарына jарлаган конкурсына туружары башталды

Парламенттиҥ сыйы учун мӧрӧй республиканыҥ ӱредӱлигине jаан камаанын jетирген школдоҥ озогы, ӱзеери, текши ле профессионал бӱдӱмдерлӱ учреждениелердиҥ ӱредӱчилери ортодо ӧдӧр. Эл Курултайдыҥ спикери Эжер Ялбаковтыҥ jартаганыла, быjыл берилетен сыйдыҥ кеми 100 муҥ салковой ло лаураттардыҥ тоозы экидеҥ тӧрткӧ кӧдӱрилген. Бу конкурс jаҥыс ла сый учун, акча учун jарлалбаган, конкурстыҥ jеҥӱчилдериле туружаачылары jосокту ижиле jашӧскӱримди ӱредеринде