Туулу Алтайда спорттыҥ кышкы сезоны башталды

24.12.2021

Бу керекке учурлалган кӧдӱриҥилӱ ачылта Горно-Алтайсктыҥ Комсомолка кырында ӧтти.

«Туу-чаналык спорт Алтай Республикада эрчимдӱ ӧзӱм алынат — бисте «Манјӱрек» деп курорт, «Телецкий» деген туу-чаналык курорт, Себиниҥ боочызында бийик туулык јол-трасса бар. Кырдаҥ јыҥылаары аайынча јаҥы јарлу јерлер база да болор. Кандый да болзо, Алтай Республика кырларлу јер ине. Оныҥ да учун биске бу арганы тузаланар керек» — деп, АР-дыҥ башчызы Олег Хорохордин бу ачылтаныҥ, туу-чаналык спорттыҥ баштапкы кышкы маргаандарыныҥ туружаачыларына баштанып айткан.
Оныҥ темдектегениле, Горно-Алтайск-та јаткан эл-јондо спорттыҥ бу бӱдӱмиле каладаҥ чыкпазынаҥ ла тазыктырынар арга јеткилинче. «Мында тазыктырынарына керектӱ башка-башка кемдӱ јол-трассалар, јазалдар, маргаандар ӧткӱретен айалгалар ла су-кадыктыҥ јолычактары бар. Ол айалгалар анчада ла каланыҥ јиит спортчыларына сӱрекей јарамыкту: мында ла ӱренип, мында ла тазыктырынар. Спорттыҥ бу бӱдӱмиле тазыктырынып турган јиит улустыҥ тоозы јылдаҥ јылга кӧптӧйт, маргыжулар јанынаҥ узы-ченемели де ӧзӧт. Бисте де бойыстыҥ чемпиондорыс болорына иженедим» — деп, тергеениҥ башкараачызы айткан.
Ачылтаныҥ туружаачыларын кышкы спортсезон башталганыла анайда ок Эл Курултайдыҥ туризмниҥ, аргачылыктыҥ ла спорттыҥ ӧзӱми, јашӧскӱримниҥ политиказы аайынча комитединиҥ председатели Сергей Тимошенский база уткуган. «Слер јай ӧйинде белетенип, спортто једетен деп темдектеп алган једимдеригерге једигер. Слерге спортто ло јадын-јӱрӱмниҥ бас-тыра бӧлӱктеринде једимдер кӱӱнзейдим, эҥ ле учурлузы — јакшы су-кадык ла бийик кӱӱн-санаа» — деп, ол темдектеген.
Горно-Алтайсктыҥ мэри Юрий Нечаев бойыныҥ уткуулду сӧстӧрин база айткан: «Бӱгӱн Комсомолкада туу-чаналык сезон башталып јат, ол ок ӧйдӧ Јыланду ӧзӧктӧ дезе чаналу јӱгӱрери ле спортивный ориентирование аайынча маргаандар ӧдӧт. Бис бойыстыҥ спортчыларысла оморкойдыс, олор республика, Россия ла албатылар ортодо кеминде маргаандарда бийик кӧргӱзӱлерге једет».
Анайып, туу-чаналык сезон Комсомолкада «Слалом-гигант» маргаандарла башталды.
Јерлештерис спорттыҥ кышкы бӱдӱмдери аайынча јаан маргаандарда туружып, јеҥӱлӱ јерлер ойноп аларына быжу бӱдедис.

ТОП

Положение о фотоконкурсе «Бир фотојуруктыҥ тӱӱкизи»

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от 02.02.2026 № 3 Триянова С В. _________________ Положение о фотоконкурсе «Бир фотојуруктыҥ тӱӱкизи» («История одной фотографии»), посвященном 35-летию Республики Алтай, 270-летию вхождения алтайского народа в состав Российской империи Общие положения 1.1. Настоящее положение о проведении фотоконкурса «Бир фотојуруктыҥ тӱӱкизи» («История одной фотографии») (далее —

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от _____________ № Триянова С В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики Алтай.

Эл Курултайдыҥ эҥ артык jосокчылар талдаарына jарлаган конкурсына туружары башталды

Парламенттиҥ сыйы учун мӧрӧй республиканыҥ ӱредӱлигине jаан камаанын jетирген школдоҥ озогы, ӱзеери, текши ле профессионал бӱдӱмдерлӱ учреждениелердиҥ ӱредӱчилери ортодо ӧдӧр. Эл Курултайдыҥ спикери Эжер Ялбаковтыҥ jартаганыла, быjыл берилетен сыйдыҥ кеми 100 муҥ салковой ло лаураттардыҥ тоозы экидеҥ тӧрткӧ кӧдӱрилген. Бу конкурс jаҥыс ла сый учун, акча учун jарлалбаган, конкурстыҥ jеҥӱчилдериле туружаачылары jосокту ижиле jашӧскӱримди ӱредеринде