Јаҥыјылдык куулгазын балдарга

29.12.2021

Алтай Республиканыҥ башкарузыныҥ турчылары «Амадулардыҥ елказы» деген јаҥыјылдык акцияда туружып, тергеениҥ јурттарыныҥ балдарыныҥ амадуларын бӱдӱрер.

Алтай Республиканыҥ башчызы Олег Хорохордин јаҥыјылдык чибичектеҥ јадын-јӱрӱмниҥ уур-кӱч айалгазындагы билелердиҥ балдарыныҥ амадулары бичилген тӧрт открытканы уштып алган. Кош-Агаштаҥ јети јашту Амыр пультла иштедер ойынчык роботту болорго амадайт, Ильинка јурттаҥ тогус јашту Матвей Москва барып келер кӱӱндӱ. Горно-Алтайсктаҥ 11 јашту Арсений Санкт-Петербургта болуп, Медный всадникти ле Адмиралтействоны кӧрӧр деп амаду тургускан. Тергеениҥ тӧс калазынаҥ 13 јашту Никита квадрокоптерлӱ болуп, роликтер согор кӱӱндӱ.
«Мен балдардыҥ амадуларын кыйалтазы јогынаҥ бӱдӱрерим. Келишкедий болзо, сыйларды бойым табыштырарга, Матвейге дезе бистиҥ Тӧрӧлистиҥ тӧс калазын бойым кӧргӱзерге ле ого Кызыл тепсеҥле экскурсия ӧткӱрерге чырмайарым» — деп, башчы айткан.
Баштапкы вице-премьер Виталий Махалов Маймадаҥ 13 јашту Викторияга смартфон сыйлаар. Республикан башкаруныҥ председателиниҥ ордынчызы Динара Култуева Шабалиннеҥ беш јашту Иванныҥ мобильный телефонду болорго турган амадузын бӱдӱрер. АР-дыҥ башкарузыныҥ председателиниҥ ордынчызы, АР-дыҥ башчы-зыныҥ ла башкарузыныҥ председателиниҥ,
АР-дыҥ башкарузыныҥ Аппарадыныҥ башкараачызы Михаил Маргачев Саратаннаҥ тогус јашту Ильяныҥ амадузын бӱдӱрер — ол база смартфонду болорго кӱӱнзейт. АР-дыҥ цифровой ӧзӱм аайынча министриниҥ молјуларын бӱдӱреечи Николай Степанов чибичектеҥ амадулар бичилген эки открытканы уштып алган: Турачактаҥ 14 јашту Екатеринага смартфон, база ла Турачактаҥ јети јашту Виталийге планшет сыйлаар.
Бу акцияны ӧткӱрери улалганча.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина