Эки койонныҥ кийнинеҥ барзаҥ…

20.01.2022

Сценада профессионал эмес артисттер: кем де ӱредӱчи, јуучыл пенсионер, бухгалтер, логопед, а кем де прокуратураныҥ ишчизи. Режиссер – база да аҥылу ӱредӱ јок кижи, баштамы класстардыҥ ӱредӱчизи.

Јаҥы јылдыҥ алдында П.В. Кучияктыҥ адыла адалган эл театрдыҥ сценазында «За двумя зайцами» деп адалган спектакль ӧтти. Залда толо улус. Сценада дезе — коммерциялык эмес «Перспектива» фондтыҥ туружаачылары, анайда ок студенттер ле ӱренчиктер, Маймадагы казактардыҥ «Любо» деп ансамблиниҥ, Бийсктеҥ келген «Садко» деп албатылык хордыҥ кожоҥчылары, «Тандем» клубтыҥ бијечилери, таҥынаҥ аргачылар ла Эл Курултайдыҥ депутаттары А.Б. Казанцева ла О.И. Волосовцева. Ольга Игоревна «Перспективаныҥ» јааны болуп, бу спектакльды тургузар баштаҥкайды эткен кижи, кӧрӧӧчилер анчада ла оныҥ јакшынак артист болгонын темдектедилер.
Свирид Петрович Голохвостовтыҥ тӧс ролин ойногон Сергей Черезов бу кӱнде сценага баштапкы катап чыккан. Је оныҥ ойногонын кӧрзӧ, торт – профессионал, дебютант деп айтпазыҥ! Ол бойы видеограф кижи, алдынаҥ бери «Перспектива» фондтыҥ ӱлекерлерин видеого согуп туратан, бу учуралда јайалтазы сакыбас јанынаҥ ӧскӧ јанынаҥ ачылды.
Нениҥ учун бу спектакль? Надежда Бабкинаныҥ «Русская песня» деген театры тургускан мындый ла ок атту мюзикл бар. Оны О.И. Волосовцева кӧргӧн болтыр. «Бис тургуссас кандый болгой не?» – деп сананып, ол керегинде најыларына айткан. Анайып, премьера канча кире ӧйдиҥ бажынаҥ ӧдӱп (сценарий пандемиядаҥ озо тургузылган, је карантиндерле колбой иш токтодылган болгон), эл-јонды јаркынду декорацияларыла, артисттердиҥ костюмдарыла кайкаткан. Ол јурукчы Татьяна Вяткина деп келинниҥ ижи. Кӱӱлик башкараачызы – Елена Тахтаева, хореографтар – Завид ле Марина Гасановтор, режиссер – Ольга Володина. Спектакль президенттиҥ гранттарыныҥ фондыныҥ Театрдаҥ ала јербойыныҥ таҥынаҥ башкартузы –деген ӱлекери ажыра тургузылган.
Орус албатыныҥ «Эки койонныҥ кийнинеҥ барзаҥ» деген сӧстӧриниҥ учуры јарт. Бу спектакльда тӧс герой эки кыстыҥ кийнинеҥ јӱгӱрген: бирӱзи – бай, экинчизи – јӱрекке јуук. Је учында јаҥыскан артып калган. Ого удура фондтыҥ ижи керегинде айтса, ол «эки койонныҥ кийнинеҥ барып», эки јеҥӱге јеткен: албатыга тузалу иш бӱткен, алкы бойлоры ӧткӱрип турган ижинеҥ јаҥыс ла јакшынак сезимдер, ийде-кӱч алгандар.
Коммерциялык эмес «Перспектива» фонд керегинде айтса, ол 10 јылдаҥ ажыра ӧйдиҥ туркунына сӱрекей кӧп ӱлекерлер тургускан, ӱлекерлердеҥ келген кирелте-акча јӱрӱмниҥ кӱч айалгаларына кирген улуска болужарына барат. Бу башка-башка ууламјыларла иштеп турган улус јуулыжып, бир јаан керек эдип турган јер. «За двумя зайцами» — фондтыҥ сок јаҥыс ижи эмес, мынаҥ озо «Вечера на хуторе близ Диканьки», «Старые песни о главном», «Бременские музыканты», «Золушка» деп ойын-тургузулар болгон. Бӱгӱнги спектакль бу айдылгандарыныҥ ортозында тоомјылу јерде турарында алаҥзу јок. Ол экинчи катап кочкор айда Майма аймактыҥ культуразыныҥ тӧс јеринде кӧргӱзилер. Спектакльдаҥ јуулган акча ТОС-тордыҥ (территоральное самоуправление) ӧзӱмиле колбулу керек-јарактарга ууландырылар деп темдектелет.

Светлана КУПЮШЕВА
Денис Белошицкийдиҥ фотојуруктары

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина