Јерлежис масс-јарышта јеҥӱчил!

01.02.2022

Бу кӱндерде Ярославский областьтыҥ Рыбинск калазында биатлонло 19-21 јашту уулдар ортодо телекейлик чемпионатта туружарга талдашту тартыжулар ӧткӧн.

Бастырароссиялык учурлу маргаандарда ороонныҥ эҥ тыҥ јиит спортчылары турушкан.
Былтыр уулдар ортодо Австрияда болгон телекейлик чемпионатта ӱч алтын медаль ойноп алган бистиҥ јерлежис, Горно-Алтайсктагы государственный университеттиҥ 19 јашту студенти Денис Иродов, Рыбинскте таҥынаҥ јӱгӱриште ле спринтте 10-чы ла тогузынчы јерлер алган. Је јайалталу спортчы маргаандардыҥ калганчы кӱнинде 12 километр јолдо болгон јаан масс-јарышта баштапкы јер алып, чемпионныҥ адын адатты.
Денис Иродов маргаандарда Алтай Рес-публика ла Новосибирский область учун туружып јат. Ол спорттогы јолын 2010 јылда Горно-Алтайскта бштаган. Оны биатлонго башталганынаҥ ла ала эмдиге јетире адазы Вадим Иродов тазыктырат. Денис биатлонло Россияныҥ спортыныҥ узы, чанала спорттыҥ узына кандидат.
Текшилей алза, бу спортчы калганчы ӧйлӧр-дӧ јаан маргаандарда бистиҥ јерлеш спортчылар ортодо бийик кӧргӱзӱлер кӧргӱзип тургандардыҥ тоозында калганчы ӧйлӧрдӧ јаантайын адалат. Быјыл да ол јаан маргаандардаҥ алтын медальдарлу јанзын деп кӱӱнзейдис!

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина