«Тиг и Лео» алтайлап!

25.02.2022

«Карусель» каналда «Тиг и Лео» мультфильмди, оныҥ сӱӱнчилӱ кожоҥдорын кажы ла кижи кӧргӧн-уккан болбой. Ол ар-бӱткенниҥ jажыттарын ачкан, оны сӱӱрине ле чеберлерине таскаткан, анчада ла наjылык деген оҥдомолды jартаган, ийде-кӱчтӱ, jилбиркек болорына ӱреткен jакшынак мультфильм. Бу кӱндерде мультиктиҥ бир сериязы алтай тилге кӧчӱрилди! Оны ютубта балдардыҥ «Эзлик» каналында кӧрӧргӧ јараар.
«2022 јыл – ирбистиҥ jылы деп адалган. Мультиктиҥ тӧс геройлоры бар ла леопард ирбистиҥ карындаштары ине, анчада ла олор Кызыл Бичикке кирген тындулар. Анайда ок мультфильмниҥ учуры бистиҥ алтай кӧрӱмге, филосифияга jуук, мында ар-буткенде, кажы ла сууда, тууда ээлери бар» – деп, ӱлекердиҥ авторы Чейнеш Сабина куучындайт.
Мультфильмниҥ правообладатели каруузы кирелӱ «Паровоз» ӧмӧлик алтайлап ӱнделткен бир ченемел серияны кӧрӱп, оны бийик баалаган, баштапкы сезонныҥ 26 сериязыла иштезин деп jӧп берген. Бу сӱреен jаан алтам. Мындый турулта ӱлекердиҥ партнеры Андрей Модоровтыҥ бӱдӱрип турган ижинеҥ jаан камаанду: ол бойыныҥ профессионал студиязында бичиир, монтаж эдер иштерди чындык апарат. Тӧс геройлор Роксана Саргатытова (Лео), Алина Попошева (Тиг), Эмиль Колбин (Мапа Пандига), Айдар Унатов (кӧрӱк) актерлордыҥ ӱндериле алтайлап баштаган. Мультфильмниҥ кожоҥын дезе Жанетта Тонова кожоҥдойт. Кӧчӱреечи – Артур Сабин.
Бӱгӱнги кӱнде ишти оноҥ ары апарарга ла автордыҥ тап-эригин садып аларга акча-манат керек болуп туру. Бу јакшынак ӱлекер бистиҥ калык-јонго сӱрекей керектӱ, јилбилӱ ле јарамыкту болгонын мультфильмниҥ тӧзӧӧчилерине кӧргӱзер керек. Мындый ӱлекерлер чындап та алтай тилди чеберлеп аларына ла ӧскӱрерине сӱрекей керектӱ. Мультиктер ажыра балдарды тӧрӧл тилине ӱренерине тартып аларына јарамыкту айалга тӧзӧлӧр.
Оныҥ учун Ютубка кирип, «Эзлик» каналга бичидип, мультикти кӧрӱп, сӱӱнип, репосттор эдип, таркадары – ол база да jаан jӧмӧлтӧ!
Мультфильмди ӱнделтери – тегин керек эмес, ого кӧп арга-кӱч, ӧй лӧ профессионализм керек. Баштапкы серия (11 минут) аайынча ишке 12 саат ӧй барган, андый сериялардыҥ тоозы баштапкы сезондо 26 болор. Олорло колбулу ишке канча кире ӧй керек болгонын бодоштыра чоттоп ийер арга бар.
Јаҥыс ла кӱӱн-эрчимле ыраак барып болбозыҥ (јаан ла болзо эки-ӱч серия). Акча-манат ӱнделтиштиҥ командазына ижи учун јал тӧлӧӧрине ле мультфильмди јарлаарына јарадуны садып аларына керектӱ.
Ӱлекердиҥ авторы бар-jок jолдорды таап, бу ишти учына jетирер кӱӱндӱ. Бастырабыстыҥ бу jакшынак керекти jӧмӧӧр аргабыс бар. Акча-манатла болужарга тургандар, Чейнеш Сабинага бу номерге телефон согугар: 8 913 991-93-89.

ТОП

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Положение о конкурсе стихов собственного сочинения, посвященном 20-летию молодежного приложения «Јылдыстык» газеты «Алтайдыҥ Чолмоны», «Јайым толкулар» («Вольные волны»)

УТВЕРЖДАЮ Приказом главного редактора АУ РА «Редакция газеты «Алтайдын Чолмоны» от 12.01.2023 №6 __________ Триянова С.В. Положение о конкурсе стихов собственного сочинения, посвященном 20-летию молодежного приложения «Јылдыстык» газеты «Алтайдыҥ Чолмоны», «Јайым толкулар» («Вольные волны») Общие положения Положение определяет условия, основы организации и порядок проведения конкурса, посвященного 20-летию приложения «Јылдыстык» республиканской массовой газеты «Алтайдыҥ Чолмоны».

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина