Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

«Алтайдыҥ эпшилериниҥ» ижи эрчимдӱ

22.03.2022

Најылыктыҥ туразында тулаан айдыҥ 16-чы кӱнинде Россияныҥ эпшилериниҥ биригӱзиниҥ «Женщины Алтая — Алтайдыҥ эпшилери» деген тергеелик бӧлӱгиниҥ оныҥ јааны Светлана Полетаеваныҥ башкарганыла элбедилген јууны ӧтти.

Јуунда организацияныҥ бӱгӱнги ле јуук ӧйдӧги ижиниҥ беш сурагы кӧрӱлген. Јуунда онойдо ок ОНФ-тыҥ Алтай Республикадагы тергеелик исполкомыныҥ башкараачызы О. Матросова ла культураныҥ министерствозыныҥ баш специалисти М. Шеверёва турушты.
Светлана Ефимовнаныҥ темдектегениле, 2022 јыл республиканыҥ эпшилериниҥ эҥ јаан кыймыгузына юбилейлик јыл — Ойротияныҥ партийный эмес ишмекчилериниҥ ле крестьянкаларыныҥ баштапкы съездиниҥ 100 јылдыгы темдектелет. Јондык организация шак бу тӱӱкилик учурлу керекле колбой бир тизӱ кӧдӱриҥилерди белетеп јат. Тургуза ӧйдӧ билимчилер, тергеениҥ јондык организациязыныҥ башкартузыныҥ турчылары Туулу Алтайда эпшилердиҥ кыймыгузы керегинде бичикке материалдарды јууры јанынаҥ каруулу ишти ӧткӱрет. Ӧткӧн јуунда бичиктиҥ баштапкы томын белетеп чыгарары јанынаҥ шӱӱлте айдылган ла јарадылган. Ээчиде томдоры база улалар, нениҥ учун дезе тергееде јарлу, атту-чуулу улус керегинде јарлалган бичимелдер кӧп. Организацияныҥ башкараачызы онойдо ок туштажуныҥ туружаачыларын, аймактардыҥ ончо бӧлӱктериниҥ женсоветтерин турумкайы, аҥылу јуучыл операция ӧдӱп турган јерлердеҥ фейковый-меке-тӧгӱн солундарга ајару этпей турганы, ороонныҥ президентиниҥ кӧрӱм-шӱӱлтезин јӧмӧп јатканы учун быйанын айтты. Олор бир канча акцияны ӧткӱрген ле Донбасстыҥ эл-јонына гуманитарный болуш јетирерин улалтат.
Тергеелик ОНФ-тыҥ башкараачызы Ольга Валерьевна бойыныҥ куучын-эрмегинде Албаты фронт республиканыҥ Јондык палатазыла фейктерле ӧмӧ-јӧмӧ тартыжар штабын тӧзӧгӧн деп, чокумдап айтты. Бу иште эпшилердиҥ организациязыныҥ чыгартулу улузы эрчимдӱ туружат. Јуук ӧйдӧ база кӧдӱриҥилер ӧткӱрилери темдектелет, эпшилердиҥ организациязыныҥ эрчимдӱ улузы олорго база кычырылган. Ол јуун ӧйинде ОНФ-тыҥ Быйанду самараларын «Женщины Алтая — Алтайдыҥ эпшилери» јондык организацияныҥ Кан-Оозы, Оҥдой, Чамал, Кош-Агаш аймактардагы бӧлӱктерине табыштырды.
2022 јылда јаан кыймыгуныҥ ончо турчылары Улу Јеҥӱниҥ 77-чи јылдыгына белетеништӱ иште эрчимдӱ туружар. Темдектезе, эпшилердиҥ «Синий платочек» деген акциязыныҥ шылтузында јондык организация тергеениҥ тул арткан кӧп тоолу эпшилериле танышкан. Акцияныҥ туружаачылары сакыбаган јанынаҥ келип, та кемниҥ де јӱрӱмин аргадаган, эмезе кӧзинеҥ астыккан тул эпши чаҥкыр арчуулды јӱрегине јаба тудуп, «Алтайдыҥ эпшилериниҥ» активиниҥ уткуулдарын, кожоҥдорын угуп, кӧстиҥ сӱӱнчилӱ јажын токтодып болбогон эди.
Быјыл эпшилердиҥ јондык организациязыныҥ кӧдӱриҥилери «Успеть поклониться каждой женщине» деген кычырула ӧдӧр. Кӧдӱриҥилер тылда иштеген ӱй улуска учурлалар. Организация онойдо ок «Сирень Победы» ла «Аллея матерей» деген акцияларды улалтар амадулу. Бу акциялар тергеениҥ ончо аймактарында ӱчинчи катап ӧткӱрилер ле Ойротияныҥ эпшилериниҥ съездиниҥ 100 јылдыгына учурлалар. Улу Јеҥӱге учурлалган кӧдӱриҥилерди кандык айда ӧдӧтӧн јаҥжыккан «Школа гражданского актива» деген јуунда толо шӱӱжери јанынаҥ јӧп јарадылды. Активтиҥ јуунында АР-дыҥ иш, јонјӱрӱмдик ӧзӱм, эл-јонды ишле јеткилдеери аайынча министри Адар Сумин аргалары кирелӱ билелерге чокум болушты јетирери керегинде, јонјӱрӱмдик јӧптӧжӱ-контракттар јанынаҥ куучындаар.
Светлана Полетаеваныҥ айтканыла, тулаан айдыҥ сегизинчи кӱниниҥ алдында АР-дыҥ башчызы Олег Хорохордин «Женщины Алтая — Алтайдыҥ эпшилери» тергеелик јондык организацияныҥ чыгартулу улузын туштажуга кычырган. Јылу айалгада тӧзӧмӧлдӱ куучын ӧткӧн. Организацияныҥ кӱнӱҥги ижиниҥ учурлу сурактары кӧдӱрилген. Эпидайалгадаҥ улам эпшилердиҥ кыймыгузыныҥ ончо эрчимдӱ улузы бу кӧдӱриҥиде туружып болбогон. Је Олег Леонидович эпидайалга оҥдолзо, съездтиҥ алдында, сыгын айдыҥ 30-чы кӱнинде эмезе Энениҥ кӱниниҥ алдында, олорло элбедилген туштажуны ӧткӱрери јанынаҥ айтты.
Јуунныҥ учында организацияныҥ «Ӱӱрелер-Подруги» деген журналыныҥ ээчиде чыккан номериниҥ таныштырузы ӧтти. Бу номерге «Экинурдыҥ эпшилери — Женщины Яконура» деп јондык организацияныҥ башкараачызы З. Тордошева, јондык организацияныҥ башкартузыныҥ турчызы, «Ару Алтай» деген экологиялык ӱлекердиҥ тӧзӧӧчизи И. Муклаева, искусствоведениениҥ кандидады, бу јуукта Россияныҥ Эпшилериниҥ биригӱзиниҥ «Культураныҥ посолы» деген кӱндӱлӱ атла адаткан Светлана Тарбанакова ла о. ӧ. керегинде јилбилӱ бичимелдер јарлалды.

Ай-Тана ТОРБОКОВА
Марина ТУРКУШЕВАНЫҤ фотојуругы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина