7-чи таҥмалу школдо тудум иштер ширтелген

08.04.2022

Кандык айдыҥ 5-чи кӱнинде Алтай Республиканыҥ башчызы Олег Хорохордин Горно-Алтайск калада 7-чи таҥмалу школдыҥ јаҥы туразыныҥ тудум иштерин кӧрӱп јӱрди. Школ Россияныҥ президенти Владимир Путинниҥ јакылтазыла «Ӱредӱлик» деген эл ӱлекер кеминде тудулып јаткан.

«Бу школды тударын ороонныҥ башчызы бойы јӧптӧгӧн сӱрекей учурлу объект. Кичӱ изӱ айда мында тудум иштердиҥ баштапкы бӧлӱги тӱгенер. Бӱгӱн бис подрядчиктерге озолодо угуспай, тудум иштердиҥ аайын ширтеерге келгенис ле площадкада тудаачылардыҥ тоозы јеткил болгонын, иштер ӧйинде ӧткӱрилип јатканын кӧрдибис» — деп, Олег Хорохордин темдектеди.
Площадка аруталган, јердиҥ кыртыжы кӧдӱрилген. Мында бетон эдер кӧчӱп јӱрер завод иштейт. Тургуза ӧйдӧ баштапкы блоктыҥ тӧзӧлгӧзи белетелген, эмди тудаачылар спортзалдыҥ ла школдыҥ ӧскӧ блокторына фундамент-тӧзӧлгӧ кӧдӱрет. Бу иштерди кандык айдыҥ 20-чи кӱнине јетире тӱгезери пландалат. Оноҥ ары тураныҥ стене-карказын тудуп баштаарга јараар болор.
Тудумныҥ текши кеми 5 муҥ квадратный метрдеҥ кӧп. Бу ӱч кат тура 30 класс ла лабораториялар, пищеблок, библиотека, актовый зал, кийим солыыр кыптарлу спортзал болор бир канча блок-бӧлӱктеҥ турар. Мында бир сменала 750 бала ӱренер аргалу болор.
Горно-Алтайсктыҥ башкартузы бери транспортло келерге јеҥил болорын јеткилдеери јанынаҥ шӱӱжет. Башкартуныҥ јааны Ольга Сафронованыҥ айтканыла, Автоаргачылардыҥ биригӱзиле ӧмӧ-јӧмӧ школго јетире ӱзеери маршруттар тӧзӧлӧр.
7-чи таҥмалу школ — калада балдарды алтай тилге профильный аайыла ӱредип турган сок јаҥыс школ. 1991 јылдаҥ ала ол арендага алылып турган келиштирилген јерде иштейт, мында 800-теҥ кӧп бала ӱренет.
Школго бойыныҥ јаҥы туразын тудар суракла президент Владимир Путинге 2019 јылда оныҥ јаан пресс-конференциязында «Алтайдыҥ Чолмоны» республикан газеттиҥ корреспонденти Эмина Кудачина баштанган. Эл-тергеениҥ јааны алтай тилдиҥ јаан учурлузын темдектеген ле бу школды орныктырарга ла чеберлеп аларга сӧзин берген. Тудум иштер былтыр башталган.

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым