Најыларысты јууйдыс

26.04.2022

Тӧрӧл газедистиҥ 100 јылдыгына учурлалган јаан керектердиҥ бирӱзи – «Алтайдыҥ Чолмоны» најыларын јууйт» деген туштажу бу кӱндерде Кан-Оозы аймакта ӧдӧр.

Туштажуга канча јылдарга бисле колбу туткан јурткорлорысты, иш-теҥкей почтальондорысты ла кычыраачыларысты јууйдыс. Кару најылар, кажыгарды ла энчикпей сакыырыс! Нениҥ учун баштапкы туштажу Кан-Оозында ӧдӱп јат? Нениҥ учун дезе редакцияныҥ тӱӱкизинде «Алтайдыҥ Чолмоны» најыларын јууйт» деп адалган јаан керек-јарак баштапкы ла катап 1992 јылда бу аймактыҥ Мӧндӱр-Соккон јуртында ӧткӧн, мынаҥ јол алынган! Анайда ок Кан-Чарастаҥ чыккан журналисттер И. В. Шодоев, М. К. Качкышев, И. Т. Тошпоков, Б. С. Кушкулин, И. М. Ченчаев, Б. Ч. Канарин, В. А. Тоенов ло оноҥ до ӧскӧлӧри 1970-80 јылдарда бистиҥ ӧмӧликтиҥ сыраҥай ла тӧзӧгӧзи болгон. Олор газеттиҥ ады, чырайы, оморкодузы болгон до, эмди де болуп јат. Шак ла оныҥ учун бӱгӱнги номеристи бис Кан-Оозы алтайдыҥ улузына, атту-чуулу журналисттерине учурлайдыс. Јанында турган Кӧксуу-Оозы аймак ады јарлу «чолмончыларыла» база мактулу, бу туштажубыста бис Оймон ичинеҥ чыккан ишчилерис, јурткорлорыс, кычыраачыларыс керегинде куучынды база ӧткӱрерис. Газеттиҥ бӱгӱнги номеринде олорго учурлалган бичимелдер бар.
«Алтайдыҥ Чолмоны» 100 јыл слерле кожо! Алтай газедис албатыныҥ јолын јарыткан одычак болуп, база да 100 јылга јаркындалып кӱйзин.

Фотојурукта: «Алтайдыҥ Чолмоныныҥ» фотокорлоры (солдоҥ оҥ јаны јаар): Ботпок Кушкулин, Сандыр Сельбиков ло Михаил Сурбашев, 1980-чи јылдар

Светлана Триянова,
баш редактор

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина