Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Алтай Республиканыҥ кӱндӱлӱ эл-јоны! Слерди Јастыҥ ла иштиҥ байрамыла акту кӱӱнимнеҥ уткуп турум!

29.04.2022

Бистиҥ тергее бойыныҥ ишмекчилериле, эткен керегиниҥ устарыла – врачтарла, мед-ишчилерле, ӱредӱчилерле, таскадаачыларла, јурт ла агаш ээлемдердиҥ специалисттериле, спортчыларыла, культураныҥ ишчилериле, фермерлерле, аргачыларла мактадат. Бӱгӱн Алтай Республиканыҥ оморкоп турган ончо керектери – ол кажы ла кижиниҥ ижиниҥ турулта-једими.
Профессиязында эҥ артык улузыс јылдыҥ ла кӱӱк айдыҥ 1-кы кӱнинде јаҥыртылып турган Кӱндӱниҥ доскозыныҥ лауреаттары болуп јат. Олор бойыныҥ керегиниҥ профессионалдары, бистиҥ республиканыҥ ла текши Россияныҥ ӧзӱмине узак јылдарга иштеп јӱрген улус.
Анчада ла коронавирустыҥ југуш оорузыныҥ ӧйинде иштеп јӱрген врачтарга ла медицинаныҥ ишчилерине бийик профессионализми, сыныкпас кӱӱни ле ижинде каруулузы учун аҥылу быйанымды айдадым. Бӱгӱн пандемия јабызап туру, тудуулар араайынаҥ јоголот, је олор југуш оорула тартыжарына ла улусты аргадаарына качан да белен.
Сӱӱген керегине бастыра јӱрӱмин берген, је бӱгӱн де тууразында артпай, ченемелиле ӱлежип, республиканыҥ јондык керектеринде эрчимдӱ туружып турган ветерандарга јаан быйан. Олордыҥ кӧбизи иштеп јӱрет ле јиит специалисттерге билгирлерин берет.
Туулу Алтай – ол кайкамчылу ар-бӱткендӱ, байлык культуралу ла јебрен тӱӱкилӱ тергее. Быјыл бис Алтай Республиканыҥ бир канча байрамдарын темдектейдис – Ойрот автоном областьтыҥ 100 јылдыгын, Чуйдыҥ јолыныҥ 100 јылдыгын, «Алтайдыҥ Чолмоны» ла «Звезда Алтая» республикан газеттердиҥ 100 јылдыктарын. Ончо једимдерис артар ла келер ӧйдӧ там кӧптӧӧр деп бӱдедим. Бис јаан ӱлекерлерди бӱдӱрерге бастыра аргаларды тузаланарыс ла јаҥы ажуларды јеҥӱлӱ ӧдӧрис!
Јуук јылдарда биске јурт ээлемде иштеерине ле «Туулу Алтай» деп темдектӱ, экология јанынаҥ ару продукция иштеп аларын эрчимделтерге (онызы санкциялардыҥ ӧйинде јаан учурлу) јарамыкту айалгалар тӧзӧӧри јанынаҥ тыҥ иштенер керек. Республиканыҥ экономиказын ӧскӱреринде ол эҥ учурлу ууламјылардыҥ бирӱзи болуп јат.
Онойдо ок бис инвестициялар јилбиркедип, јонјӱрӱмдик учурлу јаҥы объекттер тӧзӧӧрин, инфраструктураны ӧскӱрерин, айландыра јаткан јерлерди јарандырарын, јаҥы туристический ууламјы-иштер тӧзӧӧрин темдектейдис. Ӧмӧ-јӧмӧ иштеп, бис ончо уур-кӱчтерди ӧдӧрис ле јединген једимдерисле оморкоорыс.
Алтай Республиканыҥ кӱндӱлӱ эл-јоны, слердиҥ ижигер учун, эткен керегерде каруулу болгонор учун быйан. Амыр-энчӱ, једимдер ле эҥке-тоҥко јӱрӱм кӱӱнзейдим! Бу байрам слердиҥ јӱрегерде ийде-кӱчигерге бӱдӱмјини тыҥытсын, бастыра јакшы ижемјигер ле амадулараар бӱтсин!

О. Л. ХОРОХОРДИН,
Алтай Республиканыҥ башчызы,
Алтай Республиканыҥ башкарузыныҥ председатели

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина