Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Пекиндеги Олимпиаданыҥ јеҥӱчилдериле туштажу

13.05.2022

Алтай Республиканыҥ башчызы Олег Хорохордин Пекинде ӧткӧн кышкы Олимпий ойындардыҥ чанала јӱгӱрери аайынча јеҥӱчилдериле тушташкан.

Туштажу Турачак аймакта Йогач јуртта ӧткӧн. Ондо Россияныҥ јарлу спортчылары Сергей Устюгов, Денис Спицов ло Юлия Ступак турушкан. Бу туштажуга Олимпий ойындардыҥ мӧҥӱн призеры Иван Якимушкин, Сибирьдиҥ чаначылары — Кемеровский областьтаҥ Александр Бессмертных, Алтай крайдаҥ Яна Кирпиченко ло Никита Денисов база келген.
Туштажуда бистиҥ тергеениҥ адынаҥ байлык ченемелдӱ тазыктыраачы Юрий Гуляев турушкан, ол кӧп тоолу јарлу спортчыларды тазыктырып ӧскӱрген тазыктыраачы болуп јат. Анайда ок оныҥ ӱренчиги, чанала јӱгӱрери аайынча спортчы Арина Кусургашева туштажуда база турушты.
Спортчылар «Мария-Ра» компанияныҥ кычыртузыла Алтын Кӧлдӧӧн амыраарга келген. Бу компания спортчылардыҥ тазыктыруларын тӧзӧӧрине, спорттыҥ эмдиги ӧйдиҥ јепсел-јазалдарын аларына, маргаандарга барарына јаантайын болужып турганын темдектеер керек.
Олег Хорохордин спортчыларды тергеениҥ албаты-јоныныҥ адынаҥ уткуган: «Бис слер учун «оорыганыс», слердиҥ јеҥӱлеригерге ле бийик кӧргӱзӱлеригерге сӱӱнгенис. Качан јеҥӱ аларына тоолу ла секундтар јетпей калза, карыкканыс, санааркаганыс. Слер мындагы ар-бӱткен ортозында амырап та тура, эрчимдӱ тазыктырынып јадыгар. Бис јаантайын слер учун «оорыырыс», једимдеригерле, россиялык јеҥӱлерге сӱӱнерис».
Анайда ок тергеениҥ башчызы спортчылар јаҥыс ла мындагы јараш ар-бӱткенле таныжар аргалу эмес, је анайда ок мынаҥ да ары спортто бийик једимдерге једерге, Туулу Алтайдыҥ ар-бӱткенинеҥ ийде-кӱч алар арга бар деген.
«Јарлу спортчылардыҥ ортозында Турачак аймакта Тондошка јуртта чыккан-ӧскӧн, тургуза ӧйдӧ јакшынак једимдер кӧргӱзип турган Арина Кусургашева бар болгоны сӱӱндирет. Кышкы сезонды ол једимдӱ тӱгести: Россияныҥ юниорлор ортодо первенствозында мӧҥӱн призер болгон, Россияныҥ Сыктывкарда ӧткӧн чемпионадында јакшынак кӧргӱзӱлер кӧргӱскен, юниорлорлордыҥ Югорскто болгон албатылар ортодо марафонында јеҥӱ алган» — деп, Олег Хорохордин айткан.
Республиканыҥ башкараачызы спортчыларга бек
су-кадык, бийик кӱӱн-санаа ла јаҥы јеҥӱлер кӱӱнзеген.
«Мария-Ра» компанияныҥ тӧзӧӧчизи ле оныҥ ээлериниҥ бирӱзи Александр Ракшинниҥ айтканыла, Россияныҥ бастыра албаты-јоны «оорыган» олимпий чемпиондорды Туулу Алтайда амырап алзын деп кычырган.
«Бис Олимпий ойындарды текшилей кӧрӱп туратанысты ла бистиҥ спортчылар учун «оорыганысты» кӧстиҥ јажы мелтиреп, јаантайын эске аладым. Бистиҥ чемпиондорды Алтайдӧӧн кычырып, олор јаҥыс ла сибиряктарды эмес, је анайда ок бастыра россияндарды спорттогы једимдериле сӱӱндирзин, олорго јакшынак кӱӱн-санаа сыйлаар арга бис-те база бар деп санангам. Бис олорго республиканыҥ, Алтын Кӧлдиҥ бастыра јаражын кӧргӱзерге чырмайарыс» — деп, ол айтты.
Пекиндеги Олимпиаданыҥ чемпиондоры Туулу Алтайга келгени бу компания Пекинде ӧткӧн кышкы Олимпий ойындарга учурлай ӧткӱрген элбек кемдӱ «Угадай чемпиона!» деп акцияныҥ адакы финал-бӧлӱги болуп јат деп, Александр Ракшин јартаган.
«Компания улус су-кадык ла эрчимдӱ јӱрӱм јӱрериниҥ тӧзӧлгӧ-байлыктарын тӧзӧӧрине јаан ајару эдет, балдардыҥ спортын јӧмӧйт, чанала јӱгӱрериниҥ кеми јаан марафондорын ла байрамдарын ӧткӱрет. Оныҥ да учун кышкы Олимпий ойындарды тууразында артырбаганыс. Муҥдар тоолу улус бистиҥ спортчыларды ӱнбериш ажыра јӧмӧгӧни сӱӱндирет. Олор јаҥыс ла рекордтор тургускан ла бойыныҥ јаан аргаларын кӧргӱскен эмес, олор анайда ок бистиҥ ороонныҥ тоомјызын корыган ла спорт јанынаҥ јаан аргаларын кӧргӱскен» — деп, ол темдектеген.
Акцияныҥ ээжилериле болзо, кочкор айдыҥ 4-20 кӱндеринде саду сетьтеҥ не-немелер садып алаачылар чектерин сетьтиҥ сайтында регистрировать эдип, Пекинде ӧткӧн XXIV Олимпий ойындарда бистиҥ спортчылардаҥ кем алтын кайралдарды ойноп алары учун ӱнин берген. Бойыныҥ фаворитеттери учун ӱндерин Сибирьдиҥ тергеелериниҥ албаты-јоны јаткан 260 јердиҥ улузы берер аргалу болгон. Акцияныҥ ӧйинде 53581 чек регистрировать эдилген. Алтай Республикада Кӧксуу-Оозы ла Эликманар јурттардыҥ эки кижизи спорттыҥ сыйларын ойноп алган.

АР-дыҥ башкарузыныҥ пресс-службазы

ТОП

Положение о конкурсе рисунков «Јакшыга экелген бир учурал» («Случай, сподвигнувший к совершению доброго поступка»)

  УТВЕРЖДАЮ Приказом главного редактора АУ РА «Редакция газеты «Алтайдын Чолмоны» от 04.02.2022 № 6/1 __________ Триянова С.В.      Положение о конкурсе рисунков «Јакшыга экелген бир учурал» («Случай, сподвигнувший к совершению доброго поступка»), посвященном 100-летию национальной газеты «Алтайдын Чолмоны»   Общие положения Положение определяет условия, основы организации и проведения творческого конкурса, посвященного 100-летию республиканской

Положение о литературном конкурсе «КУУЛГАЗЫН КААЛГА» («Волшебные ворота»)

УТВЕРЖДАЮ Приказом главного редактора АУ РА «Редакция газеты «Алтайдын Чолмоны» от 04.02.2022 № 6/1 __________ Триянова С.В.        ПОЛОЖЕНИЕ о литературном конкурсе юных писателей—авторов сказок, посвященный 100-летию национальной газеты «Алтайдын Чолмоны», «КУУЛГАЗЫН КААЛГА» («Волшебные ворота»).   Организатор: АУ РА «Редакция газеты «Алтайдын Чолмоны».   Общие положения Положение определяет условия, основы организации и проведения

Положение о конкурсе молодых журналистов «МӦҤӰН КАЛАМ» («Серебряное перо»)

  УТВЕРЖДАЮ Приказом главного редактора АУ РА «Редакция газеты «Алтайдын Чолмоны» от 24.01.2022 № 6/1 __________ Триянова С.В.       Положение о конкурсе молодых журналистов, посвященном 100-летию национальной газеты «Алтайдын Чолмоны», «МӦҤӰН КАЛАМ» («Серебряное перо»)     Общие положения Положение определяет условия, основы организации и проведения творческого конкурса, посвященного 100-летию республиканской массовой газеты «Алтайдын Чолмоны». Настоящее Положение