Ӱргӱлјикке ундылбас байрам

13.05.2022

Кӱӱк айдыҥ 9-чы кӱнинде «Ӱргӱлјик полктыҥ» колонналарына Алтай Республикада 24 муҥнаҥ кӧп улус турган. Горно-Алтайсктыҥ тӧс оромыла Ада-Тӧрӧл учун Улу јууныҥ јуучылдарыныҥ сӱр-кеберлерин тудунган 5 муҥнаҥ кӧп улус баскан.

Туулу Алтайда «Ӱргӱлјик полк» сегизинчи катап ӧткӱрилди. 2020 ле 2021 јылдарда коронавирустыҥ пандемиязынаҥ улам бу акция онлайн аайыла ӧткӧн. Быјыл эпидайалга оҥдолгон учун кӧп эл-јон јуулыжар ла туружар керек-јарактар јарадылган.
Бойыныҥ тӧрӧӧндӧриниҥ сӱр-кеберлерин тудунып, Алтай Республиканыҥ башчызы Олег Хорохордин энези Надежда Алексеевнала, уулы Данилле калада јаткандарла кожо басты.
Тергеениҥ башкараачызы оныҥ эки карган адазы база јуулашканы керегинде куучындаган. Григорий Николаевич Хорохордин јуу-согуштарда туружып, Ада-Тӧрӧл учун Улу јууныҥ II степеньдӱ ордениле кайралдаткан. Алексей Михайлович Чучкаев 33-чи строительный ла оныҥ кийнинде 161-чи артиллерийский полктордо јуулашкан.
«Быјыл Туулу Алтайда, бастыра Россияда ла чылап ок, Ада-Тӧрӧл учун Улу јууда турушкандардыҥ, Јеҥӱниҥ кӱнине јетпей, је андый да болзо, ого бӱдӱп, фашисттерле јуулажып, шыркалардаҥ ла оорудаҥ улам божоп калгандардыҥ сӱр-кеберлерин тудунган «Ӱргӱлјик полктыҥ» базыды база ла катап ӧтти» — деп, башчы темдектеди.
«Ӱргӱлјик полк» Алтай Республиканыҥ бастыра аймактарында ӧткӧн. Горно-Алтайскта ӧткӧн базытта «Алтайдыҥ Чолмоны» газеттиҥ ишчилери бу газетте иштеген фронтовик-журналисттердиҥ сӱр-кеберлерин тудунып баскан.
Бу акция Россияда 2011 јылда башталганын эзедип ийели. Оныҥ баштапкы базыды Томск калада ӧткӧн. Ол тушта алты муҥнаҥ кӧп эл-јон каланыҥ оромдорыла Ада-Тӧрӧл учун Улу јууныҥ туружаачыларыныҥ ӱч муҥ кире сӱр-кеберлерин кӧдӱрип апарган. 2019 јылда акция очный аайыла ӧдӱп турарда, республика ичиле ондо 14 муҥ кижи турушкан.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина