Эл-јонды бириктирген јӱгӱриш

24.05.2022

Кӱӱк айдыҥ 22-чи кӱнинде Горно-Алтайскта ЗаБег.РФ. деп бастырароссиялык јарыммарафон ӧткӧн.

Бу јӱгӱрериниҥ телекей ичинде эҥ јаан керек-јарагы. Оныҥ туружаачылары 11 часовой поястагы 85 калада бир ле ӧйдӧ јӱгӱрип баштайт. Горно-Алтайскта старт В. И. Ленинниҥ адыла адалган тӧс тепсеҥде јербойыныҥ ӧйиле 12:00 саатта башталган.
АР-дыҥ башчызыныҥ адынаҥ уткуулду сӧзин АР-дыҥ башкарузыныҥ председателиниҥ ордынчызы Динара Култуева айткан. Ол: «Бастырароссиялык јарыммарафонго кожулып тура, бис су-кадык јӱрӱм јӱрерине «эйе» деп айдадыс. Бу керек-јаракты ӧткӱреечилерге ле кажы ла туружаачыга быйаным айдадым. Туружаачылардыҥ тоозы јылдаҥ јылга кӧптӧп турзын» – деген.
Эл Курултайдыҥ туризмниҥ ӧзӱми, аргачылык, спорт ло јашӧскӱримниҥ политиказы аайынча комитединиҥ јааны Сергей Тимошенский тергее-бисте мындый керек-јарак ӧдӱп јатканы јаан учурлу болгонын ла эл-јонды бириктирип турганын темдектеген. Каланыҥ администрациязыныҥ јааны Ольга Сафронова јарыммарафонныҥ тӧзӧӧчилерине ле волонтерлорго быйанын айдып, бу керек-јаракты ӧткӱрери јаҥжыгу болуп калар учурлу болгонын темдектеген. «Горно-Алтайск јаан спорт байрамга кожулганына сӱреен сӱӱнедим. Бӱгӱн бистиҥ калада јадып турган эл-јонныҥ јарымызы спортло тазыктырынып турганы сӱӱндирет. Бастырароссиялык спортивный керек-јарактар орооныс, республикабыс ла калабыс учун оморкоор аргалар берет» — деп, ол айткан.
Јарыммарафонныҥ туружаачыларыныҥ текши тоозы 600 кижи болгон. Јӱгӱреечилерге узуны 1, 5, 10 ло 21 километр дистанциялар белетелген. Кажы ла туружаачы «Забег.РФ.» деп бичилген футболка, стартовый номер, туружаачыныҥ сертификадын ла медаль алган.
Бу јӱгӱришти АР-дыҥ јеҥил атлетика аайынча федерациязы АР-дыҥ спорт ло физический культура аайынча комитедиле, анайда ок Горно-Алтайск каланыҥ администрациязыла кожо тӧзӧп ӧткӱрген.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина