Јайдыҥ баштапкы кӱнинде

02.06.2022

Школдыҥ дневниктерине темдектер тургузылган, портфель-сумкалар, тетрадьтар тууразында арткан. Јайдыҥ баштапкы кӱни сакылталу каникул келгениле сӱӱндирет.

Кичӱ изӱ айдыҥ 1-кы кӱни – Балдарды корыырыныҥ байрам кӱни. Бу кӱн Горно-Алтайскта болчомдорго учурлай кӧп керек-јарактар ӧткӧн. «Динамо» стадиондо 9-11 јашту уулчактар ортодо футболды кӧрӧргӧ трибуналарда кӧп улус јуулган болзо, тӧс тепсеҥде ле «Чаҥкыр Алтай» кинотеатрдыҥ јанында амыраар паркта дезе «Јер-телекейди балдарга берерис» деп адалган байрамда оноҥ кӧп балдар болгон. Олорго јӱзӱн-башка мастер-класстар, ойындар, маргаандар, јайаан кӧрӱлер ӧткӱрилген. Кӱӱнзегендер сӱӱген тындуларыныҥ кӧрӱзинде турушкандар. Уулчактарга ӧрт ӧчӱрер техниканы кӧрӱп, оны колыла тударга, ӧрт ӧчӱреечилерле куучындажарга сӱрекей јилбилӱ болды ошкош!
Тӱште анайда ок кинотеатрда балдарга учурлалган театрал кӧргӱзӱлер ӧткӧн болзо, эҥирде јашӧскӱримге будуктардыҥ «Holiday Fest» деген фестивали сӱӱнчиниҥ, каткыныҥ, бийик кӱӱнниҥ ийдезин сыйлады.
Бу кӱнниҥ база бир јакшынак бӱги – ӱредӱде, јайаандыкта, спортто, јондык иштерде эҥ артык балдардыҥ аттарын кӧдӱрери. Г. И. Чорос-Гуркинниҥ адыла адалган скверде «Каланыҥ школдорыныҥ эҥ артык спортчылары» деген Тоомјыныҥ доскозы ачылган. Ӱредӱде једимдерге јеткендерге Горно-Алтайсктыҥ мэриниҥ сый-акчазы табыштырылган, анайда ок Тоомјыныҥ «Мы – родом из детства» деген бичигине ле Каланыҥ эҥ артык ӱренеечилериниҥ гильдиязына кийдирер чӱм-јаҥы кӧдӱриҥилӱ айалгада ӧтти. Балдардыҥ амыралтазы мынайда башталды.
Јай јаҥы ачылталарла, солун јол-јорыктарла, таныштарла, кӧп солун бичиктерле бай болзын, балдар!

Евгений Бутушевтиҥ фотојуругы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина