Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Салехардтаҥ – Горно-Алтайскка јетире баштапкы рейс

24.06.2022

Горно-Алтайсктыҥ аэропортына кичӱ изӱ айдыҥ 21-чи кӱнинде Салехардтаҥ баштапкы чике рейсы болды.

Аэропортко отурган самолет јаҥжыкканы аайынча суулу арка ажыра ӧтти.
Рейсти неделеде бир катап вторниктер сайын «Ямал» авиакомпанияныҥ CRJ 200 самоледы бӱдӱрет.
Бу Алтай Республиканы ла Ямало-Ненецкий автоном округты колбуга чыгарган экинчи чике рейс. Мынаҥ башка база бир рейс Новый Уренгойдоҥ. Ол учушты база «Ямал» авиакомпанияныҥ Suhhoi Superet 100 эмезе CRJ 200 деген самолетторы бӱдӱрет. Самолеттор воскресен кӱндерде учат.
Эки јаҥы маршрут экӱлези Ямало-Ненецкий автоном округтыҥ тергеелик бюджединеҥ јеткилделет. Бу маршруттардыҥ јӱретен ӧйи ӧдӱп јаткан јылдыҥ ӱлӱрген айыныҥ учына јетире чокум тӧзӧлгӧн. Чике колбуны ачканы «Туризм и индустрия гостеприимства» деген ӱлекерди јӱрӱмде бӱдӱрерине јарамыкту.
2021 јылдыҥ сыгын айында Алтай Республиканыҥ башчызы Олег Хорохордин ле Ямало-Ненецкий автоном округтыҥ губернаторы Дмитрий Артюхов субъекттер ӧмӧ-јӧмӧ иштеери керегинде јӧптӧжӱ тургускан. Окылу чаазында туризм ле культура бӧлӱкте ӧмӧ-јӧмӧ иштиҥ ээжилери, тергеелер ортодо авиаколбуны тӧзӧӧри чыдулалган.
Шак ол тужында Олег Хорохордин Туулу Алтай ла Ямало-Ненецкий автоном округ ортодо авиаколбу туристтерге тӱрген ле эптӱ јорыктаарына јарамыкту арга берерин темдектеген.

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым