Таштардыҥ сквери баланыҥ кӧрӱмиле

06.09.2022

Горно-Алтайск калада Коммунистический проспекте турган 29 таҥмалу тураныҥ јанындагы Таштардыҥ сквери баланыҥ Алтайын јураган јуругы аайынча јазалган.

Эҥ ле кӧскӧ илинип турганы – јалаҥда јӱрген койлор, кырдаҥ агып тӱшкен суучак, теҥеридеги булуттар. «Булуттардыҥ» алдына эптӱ амыраар, отургуштар јазалган, отурып амырап јатканда јааштыҥ тамчылары эбире тамылып тургандый. Сквердиҥ кӧдӱриҥилӱ ачылтазы Каланыҥ кӱнине учурлалган байрамдык кӱнде, сыгын айдын 4-чи кӱнинде, ӧтти. Ӱлекерди «Эксперимент» деп адалган архитектуралык мастерской бӱдӱрген. «Жилье и городская среда» деп нацпроекттиҥ шылтузында тергеениҥ тӧс калазындагы Таштардыҥ сквери јаҥыртылып, Алтай јеристиҥ јаражын ла амырын кӧргӱзет.
Таштардыҥ сквери 2009 јылда тудулган эди. Оныҥ тӧс шӱӱлтези – Алтайыстыҥ ар-бӱткениниҥ јаражын кӧргӱзери. Сквердиҥ тӧзинде ӱч јаан таш – тууларыстыҥ, Ӱч-Сӱмердиҥ кебер-сомы. Туулардыҥ эдегинде кӧӧлмӧк Алтын Кӧлди эзедет. Бу да учуралда ӱч јаан таш ла эдегиндеги кичинек кӧӧлмӧк артып калган. Айдарда, кажы ла катап сквер јаранып, элбеп турганы ол.

Хамида Тадина

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина