Чаргыда – јаҥы ФОК

23.09.2022

Сыгын айдыҥ 19-чы кӱнинде Шабалин аймактыҥ Чаргы јуртында јаҥы физкультурно-су-кадыкты тыҥыдар ачык бӱдӱмдӱ комплекстиҥ кӧдӱриҥилӱ ачылтазы ӧткӧн.

Ол «Демография» нацӱлекердиҥ «Спорт – норма жизни» деген тергеелик ӱлекери аайынча тудулган. Оны тударына керектӱ акча манат федерал ла јербойыныҥ бюджеттеринеҥ чыгарылган. Комплекске футбол ойноор јалаҥ, баскетбол ло волейбол ойноор площадкалар, хоккейдиҥ коробказы, јӱгӱретен јолдор, тренажерлор, трибуналар кирет. Анайда ок јарыткыштар тургузылган.
ФОК-тыҥ ачылтазында турушкан АР-дыҥ башчызы Олег Хорохордин мынайда айткан: «Јаҥы комплексте кӱӱнзеген ончо улус – спорт ло су-кадык јӱрӱм јӱрерин сӱӱчилер тазыктырынар аргалу. Чаргы – јаан ла оноҥ до ары јаандап ӧзӧтӧн јурт. Мында јашӧскӱрим кӧп лӧ јуртка мындый объект керектӱ болгон».
Ачылтада уткуулду сӧзин анайда ок АР-дыҥ Эл Курултайыныҥ национальный политика, ӱредӱ, культура, јондык биригӱлер ле элбек јетирӱлер эдер эп-аргалар аайынча комитединиҥ председатели Наталья Екеева ла Шабалин аймактыҥ јааны Эрчим Сарбашев айткандар.
Кӧдӱриҥилӱ керек-јарак ӧдӧр тушта јозокту иштеген улуска АР-дыҥ башчызыныҥ, АР-дыҥ башкарузыныҥ председателиниҥ, анайда ок АР-дыҥ Государственный Јууны – Эл Курултайдыҥ Быйанду самаралары, «Шабалин аймак» муниципал тӧзӧлмӧниҥ администрациязыныҥ Кӱндӱлӱ грамотазы табыштырылган.
Ачылтаныҥ кийнинеҥ Олег Хорохордин Чаргы ла Шабалин јурттардыҥ ӱренчиктери ортодо футболло ӧткӧн најылык ойынды ачкан.
Бу ла кӱнде тергеениҥ башкараачызы аймакта ӱредӱликтиҥ объекттерин тудар иштер канайда ӧдӱп турганын шиҥдеген. Шабалин јуртта «Демография» нацӱлекер аайынча балдардыҥ садиги тудулат. Анда 125 бала, олордоҥ 60 бала ясельный группаныҥ, јӱрер аргалу болор. Тургуза ӧйдӧ бу объектте тудум-монтажный иштер учына једип келген, коридорлордо электрощитоктор тургузылат, бетон плиткалар салынат, подвалдарда отделочный иштер ӧдӧт, соок ло изӱ сууныҥ сетьтери ӧткӱрилет, вентиляционный јазалды ла дизель-генераторды тургузары темдектелет. «Объект 92 процентке белен, јылдыҥ учына јетире табыштырылары темдектелет» – деп, Олег Хорохордин айткан.
Нацӱлекер аайынча тергееде 2019 јылдаҥ ала 1,7 муҥ балага 17 садик тудулган. Тургуза ӧйдӧ база тӧртӱзи – Горно-Алтайскта, Шабалинде, Оҥдойдо ло Кызыл-Ӧзӧктӧ – тудулат. Олордо текши тооло 660 бала јӱрер.
Республиканыҥ башчызы анайда ок Шабалин јуртта Советский оромдо јаҥы ла тудулып јаткан школды барып кӧргӧн. Эмди ле јурттыҥ 1973 јылда тудулган школында бир муҥ кире бала ӱренет. Ӱредӱ эки сменала ӧдӧт. Јаҥы школ тудулган соҥында, балдарга ӱренерине јарамыкту айалгалар тӧзӧлӧр лӧ ороонныҥ президентиниҥ балдарды бир сменала ӱретсин деген јакылтазы бӱдер.
Бу јол-јоругында Олег Хорохордин Шабалин аймактыҥ јааны Эрчим Сарбашевле туштажып, јурт јеезелердиҥ јаандарыла, аймактыҥ совединиҥ депутаттарыла јуун ӧткӱрген.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина