«Брежнев бисти јара мылчалаган эди…»

27.09.2022

Ӧткӧн ишмекчи неделе солун туштажуларла бай болды. Онойып бистиҥ редакцияга журналистиканыҥ ветераны, јарлу ла тоомјылу фотосогоочы, тӧс газеттердиҥ фотокорреспонденти, ишмекчи јолында ороонныҥ канча башкараачыларыныҥ эҥ артык ла ундылбас фотојуруктарыныҥ авторы Юрий Инякин келип јӱрди.

Јарлу фотосогоочы бистиҥ јерлежис эмтир. Ол 1947 јылда Кош-Агашта чыккан. Школды Тамбов калада божоткон. Ондо ло «Тамбовская правда» газетте оныҥ баштапкы фотојуруктары чыккан. Школдыҥ кийнинде ВГИК-те операторго ӱренип, ол араайынаҥ ойто фото согорына кӧчкӧн. Бир эмештеҥ фотојуруктары тӧс газеттерде чыгып баштаган. Чындап, јӱрӱминде баштапкы фотоаппарадын ол Себи-Оозында магазиннеҥ садып алган. Амадаган «Заря» ол тушта 28 салковой болгон деп, Юрий Михайлович эске алынды. «Советская Россия», «Известия», «Парламентская газета», «РФ сегодня» чыгармаларда јарым чактаҥ ажыра иштеп, ол орооныстыҥ ончо башкараачыларын билген, кӧп тоолу эл-тергеелик кайралдар алган, гран ары јанында да јаан кӧрӱлердиҥ призеры болгон. Юрий Михайлович солун, јакшынак кееркедим фотоальбомдордыҥ авторы, СССР-дыҥ ла Россияныҥ журналисттериниҥ биригӱлериниҥ турчызы, СЖР-дыҥ «Главное — фото» деген сыйыныҥ лауреады.
Орооныстыҥ башкараачылары керегинде айдар болзо, генсектердиҥ ле президенттердиҥ ортозында фотосогоочыларга эҥ јакшы кӱӱндӱзи Леонид Брежнев болгон деп, фотосогоочы темдектеди. «Бир катап јол-јорукта ол бисти јара мылчалап, јакшы эдип азырап салзын деп јакарган, — айылчыбыс кӱлӱмзиренип куучынын улалтты. — Эмдиги ӧйдӧ пресс-службалар бар, токтодулар кӧп, биске јайым иштеер аргалар астап калган. Владимир Путинниҥ баштапкы инаугурациязында бир де јакшы фото согуп аларга келишпей турды. Чек учында Ельцин ле јаҥы президент јӱргилеп јадарда, мен «Господин Президент!» деп кыйгырып ийгем. Ол бурылып чике ле мендӧӧн кӧргӧн — онойып, солун ла эмди танылу јаҥыс болчок јакшы кадр эдилген».
Калганчы катап Юрий Михайлович чыккан-ӧскӧн Алтайда он јыл кайра ишле болгон эмтир. Эмди ол эш-нӧкӧрине ле барказына кичӱ тӧрӧлин кӧргӱзерге келген. Је ижин ундыбай, ол айас Чуйдыҥ јолыныҥ 100 јылдыгына учурлай фоторепортаж эдерге пландап алган. Ол Россия Федерацияныҥ парламентиниҥ «Российская Федерация сегодня» деген журналында чыгар.

Эмина КУДАЧИНА
Евгений БУТУШЕВТИҤ фотојуругы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина