Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Кыр бажы «Алтайдыҥ Чолмоны»

30.09.2022

Кӱндӱлӱ кычыраачылар, «Алтайдыҥ Чолмоны» газеттиҥ јӱсјылдыгыла колбой Алтайдыҥ тууларыныҥ бирӱзине ат адаары јанынаҥ ӧткӱрилген иштиҥ баштапкы бӧлӱги тӱгенип јат. Шӱӱжӱ ӧйинде Кош-Агаш, Кан-Оозы ла Оҥдой аймактардыҥ кеен ле сӱрлӱ кырлары адалган ла адакыда шак олор талдаштарга чыгарылган. Бу мӧрӧйдӧ Оҥдой аймакта Кадын ла Чуй суулардыҥ бириккенинде Ак Ӱзӱк деп јерде турган јараш кыр, чокумдап айтса, оныҥ эҥ бийик сӱӱрӱ бажы јеҥди.

«Чолмончылар» ӱлӱрген айдыҥ 3-чи кӱнинде бу кырдыҥ бажына чыгар ла оны «Алтайдыҥ Чолмоны» эл газеттиҥ јӱсјылдыгына учурлай «Алтайдыҥ Чолмоны» деп адаар. Бу ишти редакция Оҥдой аймакта Ийиндеги јурт јеезеле, альпинизм ле кайага чыгары аайынча республикан федерацияла кожо ӧмӧ-јӧмӧ ӧткӱрет.
Кырдыҥ бажын адаар экспедицияда альпинисттерле, «чолмончыларла» кожо Алтай Республиканыҥ башчызы Олег Хорохордин, Оҥдой аймактыҥ јааны Эдуард Текенов, Ийиндеги јурт јеезениҥ јааны Марат Чийбунов туружар. Бу тӱӱкилик учурлу кыймыгуны анайда ок «Чуй-Оозы» СПК (Г. М. Топтыгина), «Ак Марал» турбаза (А. С. Янкубаева) ла кӧп ӧскӧлӧри де јӧмӧйт.
Ӱлӱрген айдыҥ 3-чи кӱнинде 11 саатта Россияныҥ физкультура сӱӱчилериниҥ биригӱзиниҥ Алтай Рес-публикадагы чыдулу кижизи, «Јеҥил базыт» клубтыҥ башкараачызы Наталья Кушерова улуска Кадын ла Чуй суулардыҥ бириккенинде турган «Ак Марал» турбазада тӱндӱк базыттыҥ техниказы јанынаҥ ӱредӱ-семинар ӧткӱрер. Кӱӱнзеген улус бу семинарда акча тӧлӧбӧзинеҥ туружар аргалу.
Кырдыҥ бажын адаары јанынаҥ бу јӱк ле баштапкы алтам. Экспедиция тӱгензе, редакция оныҥ окылу документ-чаазындарын Эл Курултайдыҥ сессиязына кӧрӧрине табыштырар. Сессияда бу керекти шӱӱжип, «эйе» деп «айтса», бу сурак адакыда Москвада окылу кӧрӱлер.
«Алтайдыҥ Чолмоны» газет јакшы да, јаман да ӧйдӧ јаантайын тӧрӧл јоныла кожо болгон. Кычыраачыларысла колбуларыс мынаҥ ары там тыҥыыр деп бек бӱдедис. Ак Ӱзӱктеги кырдыҥ бажы дезе «Алтайдыҥ Чолмоны» эл газеттиҥ јӱсјылдыгына учурлай «100 јыл слерле кожо» деген ӱлекер аайынча тегиндӱ адалбай јаткан эмей. «АЛТАЙДЫҤ ЧОЛМОНЫ» кыр бажы Алтайдыҥ эҥ јаан суулары Кадын ла Чуйдыҥ бириккенинде элен-чакка ээ ле эр-баатыр болуп туруп, ээлӱ тууларысты ээлеген эл-јоныстыҥ энчӱзин јажын-чакка корулазын деп кӱӱнзейдис.

Редкӱрее

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина