Настройки отображения
Настройки шрифта:
Выберите шрифт Arial Times New Roman
Интервал между буквами (Кернинг): Стандартный Средний Большой
Выбор цветовой схемы:
Алтайдын Чолмоны
Кезиктей мобилизацияныҥ сурактары тӧс ајаруда
11.10.2022
Тергеениҥ башчызы Олег Хорохордин кезиктей мобилизацияныҥ сурактары аайынча 122 таҥмалу телефон ажыра сыгын айдыҥ 22-чи кӱнинеҥ ала иштеп баштаган «изӱ колбуныҥ» ижин шиҥдеп кӧргӧн.
Республиканыҥ башкараачызы волонтерлорды јӧмӧӧриниҥ Горно-Алтайсктагы «Алтайдыҥ ийдези» деп ресурсный тӧс јерде тӧзӧлгӧн колл-центрде болгон. Мында бой-бойын солыжып иштеп турган волонтерлордыҥ тоозы 30 кижи. Улустыҥ бери соккон телефондорына карууларды, јартамалдарды 8 сааттаҥ ала 20 саатка јетире ӧйдиҥ туркунына берип јат.
«Улустаҥ суракту баштанулар «изӱ колбу» тӧзӧлгӧн кӱннеҥ ле ала келип баштаган. Бастыра бир муҥнаҥ кӧп баштанулар болгон» — деп, башчы темдектеген.
Волонтерлордыҥ айтканыла, уулдары кезиктей мобилизацияга келижип эмезе келишпей турганын угарга турган ада-энелердеҥ кӧп сурактар болот. Анайда ок улус бу мобилизацияныҥ аайы ла ӧйи, мобилизациядаҥ отсрочка кандый учуралда берилип турганы керегинде сурайт.
Суракла баштанган кажы ла кижиге элбеде јартамал берилет.
«Изӱ колбуга» кезиктей мобилизацияла колбулу сурактар јанынаҥ комудалдар келзе, олордыҥ кажызы ла аайынча тӱрген ле толо кеминде аайлаштыру иш ӧткӱрилер. Мында бастыра профильный ведомстволор туружары јеткилделер, комудал аайынча јӧп бӱгӱнги јасакберимге келиштирте јӧптӧлӧр» — деп, тергеениҥ башкараачызы айткан.
Ороонныҥ башкараачызы јарлаган кезиктей мобилизация аайынча 122 телефонду «изӱ колбу» РФ-тыҥ бастыра тергеелеринде иштейт. Улус кӧп берип турган сурактарга јартамалдар башкаруныҥ «Объясняем.рф» деп порталында јарлалат.
ТОП
«Гуркин» деген телекей: ачылталар ла јажыттар
Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы
«Јурукчыныҥ јуртын орныктырары – тӧс иш»
Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны
«Баатырларыс ойгонып калды…»
(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым