Јаан маргаандар Алтайда

01.11.2022

Тергеебисте туу чана аайынча Россияныҥ Кубогыныҥ маргаандары ӧдӧр.

Маргаандарга белетенери ле ӧткӱрери аайынча тӧзӧмӧл комитеттиҥ јуунын тергеениҥ башкараачызы Олег Хорохордин ӧткӱрди. Россияныҥ кубогын 2023 јылдыҥ чаган айыныҥ 26-чы кӱнинеҥ ала кочкор айыныҥ 1-кы кӱнине јетире «Манжерок» деп бастырасезонный курортто ӧткӱрери темдектелет. Республиканыҥ башчызыныҥ эзеткениле, слалом ло слаломгигант дисциплиналарда Россияныҥ Кубогыныҥ этабы 2022 јылдыҥ бу ок кӱндеринде ӧткӧн эди. Ол совет ӧйдиҥ кийнинеҥ Алтай Республикада бастырароссиялык кеминде ӧткӧн баштапкы маргаандар болуп јат.
«Ол маргаандар једимдӱ, бастыра некелтелерге келиштире ӧткӧн. Курорттыҥ трассалары мындый кеминде маргаандар ӧткӱрерге келижет деген сертификаттарлу. Мынайып, «Манжерок» орооныстыҥ туу чанала јыҥылайтан ӧскӧ дӧ курортторы чылап, јаантайын Россияныҥ Кубогыныҥ маргаандарын ӧткӱрер јер боло берди» – деп, Олег Хорохордин темдектеген. Ол мындый кеминде маргаандарды јазап белетенер керек, тӧзӧмӧл иштер башталып калган деген.
АР-дыҥ физический культура ла спорт аайынча комитединиҥ председатели Олег Гуринниҥ јетиргениле, маргаандарда Россияныҥ 22 тергеезинеҥ, анайда ок Казахстаннаҥ ла Киргизиядаҥ бастыра 150-ге јуук спортчы туружар. Бастыра спортчылар профессионал кеминде белетеништӱ. Россияныҥ Кубогында анайда ок 40 јаргычы ла 60 технический ишчи иштеер.
«Манжерок» курорттыҥ технический директоры Валерий Ефремовтыҥ айтканыла, маргаандар «Катунь» трассада ӧдӧр. Ол мындый кеминде маргаандар ӧткӱрер некелтелерге келижет. Маргаандар ӧткӱрерине керектӱ јазалдар, ол тоодо спортчылар јылынар палаткалар берилер. Ефремовтыҥ темдектегениле болзо, курорт јеткер болдыртпайтан системаларла, аргадаар службаныҥ ишчилериле толо јеткилделген. Анайда ок курортто трассаларды карла јеткилдеери аайынча эҥ артык специалисттер бар.
Јуунныҥ туружаачылары маргаандар ӧдӧр тушта эл-јонло јеткер болдыртпазын, керек болгондо, медициналык болуш јетирерин, анайда ок маргаандардыҥ онлайн-трансляциязын јеткилдеериниҥ сурактарын база шӱӱшкен.
Россияныҥ Кубогы – Россияныҥ туу чанала јыҥылайтан эҥ артык курортторында ӧдӱп турган маргаан. Ол бир канча бӧлӱктеҥ турат.

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым