Черӱге алары башталган

11.11.2022

Кӱчӱрген айдыҥ тогузынчы кӱнинде Горно-Алтайскта Јеҥӱниҥ паркында Россияныҥ Јуучыл ийде-кӱчтеринде бир јылдыҥ туркунына службазын ӧдӧтӧн јиит черӱчилдерди ӱйдежерине учурлалган кӧдӱриҥилӱ керек-јарак ӧтти.

Јиит черӱчилдерди Алтай Республиканыҥ башчызыныҥ адынаҥ Алтай Республиканыҥ башкарузыныҥ председателиниҥ ордынчызы, республиканыҥ башчызыныҥ, башкарузыныҥ председателиниҥ ле башкарузыныҥ Аппарады-ныҥ башкараачызы Михаил Маргачев уткуган. Ол черӱге барып јаткан јииттерге баштанып, бу ӧкпӧӧриштӱ ле каруулу кӱнде слерге јуучыл молјугарды ак-чек бӱдӱригер деп јакыыр кӱӱним бар деген. «Бистиҥ республиканыҥ јииттери бойлорыныҥ турумкайын јаҥыс катап кӧргӱскен эмес, олор ол учун командирлердеҥ јаҥыс ла јакшы сӧстӧр угат, а черӱчилдердиҥ ада-энелери дезе уулдары учун Быйанду самаралар алат. Слер айылыгардаҥ баштапкы ла катап ыраада барып јадыгар. Кӧп јарымыгар службаны Алейскте ле Новосибирскте ӧдӧригер. Бир јыл тӱрген ӧдӧ берер. Айылыгарга су-кадык ла эзен-амыр јанып келигер» — деп, вице-премьер айткан.
Алтай Республика аайынча баш федерал инспектор Дмитрий Колозин «Тӧрӧлин корулайтаны ол — кажы ла јиит кижиниҥ молјулу кереги. Ол керегинде Россия Федерацияныҥ Конституциязында ла федерал јасактарда айдылат. Службаныҥ ӧйи тӱгензе, кем де јанып келер, кем де дезе черӱле јӧптӧжӱ-контракт тургузып, Тӧрӧлин корулаарында артар. Ол слердиҥ акту бойыгардыҥ кӱӱнигер болор. Је кандый да болзо, слердиҥ ончогор тӧрӧлчи кӱӱндӱ улус болуп артарыгар деп тереҥ бӱдӱп трурум» — деп темдектеген.
Республиканыҥ јуучыл комиссары Олег Денисенко бӱгӱн слердиҥ кажыгарга ла Россия Федерацияныҥ Јуучыл Ийде-кӱчтериниҥ черӱчилиниҥ рядовойы деген баштапкы јуучыл јамы берилген. Алтай Республиканыҥ јииттериниҥ адын бийик тудугар деп кӱӱнзеген.
Черӱге барып јаткан черӱчилдерге уткуулду сӧстӧрин анайда ок Алтай Республиканыҥ депутады Петр Попошев, «Женщины Алтая – Алтайдыҥ Эпшилери» деген јондык организацияныҥ јааны Светлана Полетаева, Алтай Республиканыҥ ветерандарыныҥ Совединиҥ председатели Борис Алушкин айткандар. Јииттерди черӱге алар кампания, бистиҥ республикада бастыра ла ороондо чылап ок, кӱчӱрген айдыҥ баштапкы кӱнинде башталган. Бу учуралда черӱге тӧрт јӱстеҥ ажыра кижи барар. Јииттер Тӧрӧлин корулаар молјузын Мурманский, Московский областьтарда, Ыраак Кӱнчыгышта ла Сибирьдиҥ талаларында бӱдӱрер. Мынаҥ озо тергеениҥ јуучыл комиссары јиит черӱчилдерди аҥылу јуучыл операция ӧдӱп турган јерлерге кем де аткарбас, олор јуучыл молјузын бойлорыныҥ ла частьтарында бӱдӱрер деп јарлаган эди.

Петр Кабар
Евгений Бутушевтиҥ фотојуруктары

ТОП

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от _____________ № Триянова С В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики Алтай.

Эл Курултайдыҥ эҥ артык jосокчылар талдаарына jарлаган конкурсына туружары башталды

Парламенттиҥ сыйы учун мӧрӧй республиканыҥ ӱредӱлигине jаан камаанын jетирген школдоҥ озогы, ӱзеери, текши ле профессионал бӱдӱмдерлӱ учреждениелердиҥ ӱредӱчилери ортодо ӧдӧр. Эл Курултайдыҥ спикери Эжер Ялбаковтыҥ jартаганыла, быjыл берилетен сыйдыҥ кеми 100 муҥ салковой ло лаураттардыҥ тоозы экидеҥ тӧрткӧ кӧдӱрилген. Бу конкурс jаҥыс ла сый учун, акча учун jарлалбаган, конкурстыҥ jеҥӱчилдериле туружаачылары jосокту ижиле jашӧскӱримди ӱредеринде

Алтайыстыҥ курчузы бек болзын, Албатызы эзен-амыр јатсын…

Алтай албаты бӱдер чагынаҥ ала ада-ӧбӧкӧлӧриниҥ јаҥдаган јаҥынаҥ бек тудунып, јаҥжыккан чӱм-јаҥдарын кандый да ӧйдӧ (Чагаа-Байрам, Јажыл Бӱрдиҥ, Сары Бӱрдиҥ мӱргӱӱлдери ле о. ӧ.) ӧткӱрет. Алтайыныҥ сынына чыгып, јаламазын буулап, Акка-Кӧккӧ, Агару Јайаанына баштанып, кӱндӱӱ-кӱреезин салып, алкыш-быйанын айдат. Амыр-энчӱ, токуналу јадын-јӱрӱм, бала-баркага ачык јол, мал-ажы ардак, тыш туруп, арбыдап ӧссин деп айдынат-алканат. Алтайыста јажыл јай.