Бӱгӱн бистиҥ чыккан кӱнис!

15.11.2022

Алтай газет ачары керегинде РКП(б)-ныҥ Тӧс Комитедине баштапкы јетирӱ

РКП(б)-ныҥ областной комитединиҥ ле организациязыныҥ шӱӱлтезиле болзо, алтай тилдеҥ башка кандый да ӧскӧ тил билбес 35 муҥ тузем-алтайлар (ойроттор) јуртаган областьта алтай тилле газет чыгарар эткени айдары јок јаан учурлу керек болуп јат.
Бистиҥ областьтыҥ тузем эл-јоны (алтай эл-јоны) эмди тургуза газет кычырар керекке темиккелек. Оныҥ учун газет кычырары баштапкы ӧйдӧ баалу-чуулу керек болорго јат. Алтай тилле газет чыгарарга тапту кӧп акча-јӧӧжӧ керек. Јербойында ондый арга јок болгонынаҥ улам, РКП (б)-ныҥ Ойротский областной комитеди Тӧс комитеттеҥ бу керекке 4800 салковой ло типографияныҥ оборудованиезин ӱзеери јеткилдеерге текши кемиле 6368 салковой акча чыгарары јанынаҥ биске болушсын деп сурап туру.

РКП(б)-ныҥ областной комитединиҥ качызы
(ПАПАРДЭ),
Агитация ла пропаганда бӧлӱктиҥ јааны
(КОМКИН)

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым