Эҥ јаркынду байрам кӱнде

25.11.2022

…Алтынчы балазы уул болор бо? Оны öй кöргÿскей. Шак мындый сöстöрлö 2014 jылда Снежана Болтокова керегинде бичимелимди тÿгескем. Ол тушта бу jалакай эпшиниҥ ле беш кызыныҥ фотоjуругы «Jылдыстыктыҥ» баштапкы бÿгин кееркеткен эди. Кайкамчылузы, бичимел база Энениҥ кÿниниҥ алдында, кÿчÿрген айдыҥ 28-чи кÿнинде, чыккан. Айдарда, сегис jылдыҥ бажында Снежананыҥ jÿрÿмиинде кандый солынталар болгон деп амадула ого телефон согуп, jилбиркеп куучындаштым. Сÿÿнчилÿзи – он ай кайра алтынчы балалу, уулду болгон jиит эне!

«Бистиҥ угы-тöзисти улалтар Эдгар деп тату баламды тÿни-тÿжи эркеледедим – деп, Снежана куучынын баштады. Jытас сööктÿ бу келин билезле кожо Кош-Агаш аймактыҥ Кызыл-Таш jуртында jадат. Тöрöл jериниҥ школын, кийнинде калада 28-чи таҥмалу профтехучилищени «штукатур-маляр» деп специальность аайынча божодып, ол бир jыл Ийин jурттыҥ СПТУ-зында кöкчиге ÿренген. Эмди келин кöктöнип те билер, ӱркенедеҥ (бисер) сыргалар, оноҥ до öскö jарангыштар, jÿзÿн-jÿÿр эдимдер эдип, айыл-јуртын кееркедет. Снежана ÿзеери Горно-Алтайсктагы педколледжти божодып, Кызыл-Таш jурттыҥ «Айучак» деп садигинде таскадаачы болуп иштеген. Оныҥ айтканыла, балдарды ол сÿрекей сÿÿйт, олордыҥ каткызы, ойындары ого ийде-кÿч берип jат.
Снежананыҥ эш-нöкöри Руслан jурттыҥ школында каруулчык болуп иштейт, ÿзеери ус колду кижи. Ол агаштаҥ столдор, шкатулка-кайырчактар, оноҥ до öскöзин эдет. Болтоковтордыҥ туразы да билениҥ jааныныҥ эрчимиле сÿрекей jакшы jазалган. Бу турада jиит билениҥ алты балазы чыдап-öзöт. Олордыҥ аттары да сÿрекей солун. Темдектезе, эҥ jаан кыстыҥ ады Катрина, ол 11-чи класста ÿренет, спортло jилбиркейт, баскетболло, гандболло, ÿзеери гитарала, топшуурла ойноорын сÿÿйт. Паспорт алар öйинде ада-энези бу атла мынаҥ озо Урмила деп атту болгон кызычагын бичиткен эмтир. Нениҥ учун Урмила, Катрина, бу аттар кайдаҥ келген? Снежананыҥ айтканыла, олорды бойлоры ла сананып тапкылаган. Экинчи кызы Виолетта 8-чи класста. Снежананыҥ энези «баркаларымды алтай атла адаарым» деп айдып, бай болзын, ойгор болзын деп Байлананы ла Бай-Санааны бойы адаган. Олор эмди 6-чы ла 4-чи класстарда. Чындап, Бай-Санаа jаҥыс ла тöрт лӧ бешке ÿренет. Эҥ оогош кызычак Ростислава jети jашту, Эдгар деп уулчак он ло айлу. Бу аттарды балдардыҥ адазы сананып тапкан.
Кöп балдарлу келин Снежана бойы да jаан биледе чыдап öскöн. Оныҥ энези Маҥыр Jоруковна Ельдепова, ус колду кижи, улустыҥ jакылтазыла алтай тойдыҥ кеп-кийимин кöктöйт. Сыйындары Марина ла Аржана тöрт лö ÿч балалу, Курай ла Чибит jурттарда jадат. Согоонныҥ бажындый сок jаҥыс карындажы Евгений, алтай ады Сарымай, эм тургуза Украинада черÿчил молjузын бÿдÿрет.
Эҥ jаркынду Энениҥ кÿниниҥ алдында бис Снежананы, оныҥ jуук улузын байрамла уткуп, jÿрÿмде амадулары jаантайын бÿдÿп турзын деп кÿÿнзейдис.

Ай-Тана ТОРБОКОВА

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым