Јалакай эне, эрчимдӱ эпши

02.12.2022

Эре-Чуйдыҥ Кӧкӧрӱ јуртында алтай албатызын, кичӱ тӧрӧлин, Алтай Республиказын ӧрӧ кӧдӱрип, кандый ла керек-јарактарда эрчимдӱ туружып турган энелер кӧп. Олордыҥ бирӱзи тас-кӧбӧк сӧӧктӱ Сурайа Ултарикова (Мудаева).

Сурайа эш-нӧкӧри Амадула кожо Эвелина, Екатерина ла Даяна деп керсӱ, јаражай кызычактар чыдадат. Тургуза ӧйдӧ Чуйдыҥ телеҥиттериниҥ Кӧкӧрӱдеги музейинде тӱӱкилик энчиниҥ коручылы болуп иштейт.
Баштаҥкайлу эпши јуртыныҥ кӧктӧнӧр, тӱӱнер колы ус кыстарын јууп, «Јайалта» деген клуб ачкан. Бу клубта он беш кыс јӱрген, јолдоры ачылып, соҥында парикмахерский, кӧктӧнӧр, ӱркене јинјилер тизип, кереес сыйлар белетеер эдер ательелерди ачып, ижи кӧндӱккен.
Јаштаҥ ала улуска болужар кӱӱндӱ, буурзак Сурайа килемјиниҥ кандый ла акцияларында јилбиркеп туружатан. Оныҥ учун албатызына, тӧрӧлине тузалу болорго, «Единая Россия» партияныҥ «Јиит Гвардия» кыймыгузында волонтер болуп иштейт.
«Волонтер болоры – тегин ле иш эмес, ол јӱрӱмиҥле тудуш керек. Мен бисти айландыра јӱрӱм, телекей јакшы, јараш болзын, кажы ла кижи бойын керектӱ деп сезип турзын деп, волонтер болуп иштейдим. Болушкан улустыҥ кӱлӱмјизинеҥ артык не де јок. Бу јӱрӱмди тегин јӱрбей турганыҥды ондый айалгада ла оҥдоорыҥ.
Кош-Агаш аймакта «Бис бойыстыҥ улузысты таштабайдыс», «Бойыстыҥ улузыс учун» ла ӧскӧ дӧ кычырулу керектерде эрчимдӱ туружат. Чылазыны јок ижи учун Сурайаны аймактыҥ јааны Серикжан Кыдырбаев «Кош-Агаш аймактыҥ јеринде волонтер ишти ӧскӱрерине таҥынаҥ камааны учун» деген Кӱндӱлӱ грамотала, РФ-тыҥ Јондык палатазыныҥ јааны Л. Михеев «Эл-јонныҥ талдаар тап-эриктерин буспазын јондык јанынаҥ шиҥжӱлеерине јетирген јаан јӧмӧлтӧзи учун» деген Быйанду самарала кайралдагандар.
Анайда ок Сурайа той-јыргалдар, куда-белкенчекти, юбилейлик байрамдар ӧткӱрип, улустыҥ кӱӱн-санаазын кӧдӱрип јарыдат.
«Јииттер – бистиҥ тӧрӧлистиҥ келер ӧйи, орооныстыҥ чечектеп јаранарыныҥ ижемјизи. Оныҥ учун кажы ла јиит бойыныҥ кӱчин кайда ла ченеп, бу ак-јарыкка тегин келбегенин билзин, санаалары ару јӱрзин, чын алтамдар этсин» – деп, Сурайа кӱӱнзеди.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина